તૃણમૂલ કોંગ્રેસ (Trinmool Congress) વિરૂદ્ધ ઈડી (ED) ની કાર્યવાહીને લઈને પશ્ચિમ બંગાળનું (West Bengal) રાજકારણ ગરમાયું છે. ટીએમસી (TMC) ઈડીની કાર્યવાહીને બદલાની ભાવનાથી કરાયેલી કાર્યવાહી ગણાવી રહી છે, જ્યારે ભાજપ (BJP) આને ભ્રષ્ટાચાર સામેની કાર્યવાહી ગણાવી રહ્યું છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
પ્રવર્તન નિદેશાલય (ED) એ મંગળવારે (7 જુલાઈ, 2026) પશ્ચિમ બંગાળના (West Bengal) પૂર્વ મુખ્યમંત્રી (EX CM) મમતા બેનર્જીની (Mamata Banerjee) પાર્ટી તૃણમૂલ કોંગ્રેસ (TMC) સાથે જોડાયેલા કથિત નાણાકીય વ્યવહારોના મામલામાં મોટી કાર્યવાહીને અંજામ આપ્યો છે. ઈડીએ આશરે 440 કરોડ રૂપિયા ધરાવતા ટીએમસીના (TMC) એચડીએફસી (HDFC) બેંકના ખાતાઓની તપાસ શરૂ કરીને ખાતાને ફ્રીઝ કરી દીધા છે અને આ સંબંધમાં મંગળવારે (7 જુલાઈ) પાંચ અલગ-અલગ સ્થળોએ દરોડા પણ પાડવામાં આવ્યા હતા.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
આ મામલામાં વિધાનસભા ચૂંટણી બાદ સામે આવેલા વિવાદિત બેંક ખાતાઓ દ્વારા કથિત રીતે ખોટા નાણાકીય વ્યવહારો કરવા, ભંડોળ એકઠું કરવા અને રકમને આમ-તેમ ટ્રાન્સફર કરવાનો આક્ષેપ છે. આ ખાતાઓ પર પહેલાથી જ ડેબિટ ફ્રીઝ (નાણાં ઉપાડવા પર પ્રતિબંધ) લગાવવામાં આવી ચૂક્યો છે અને ઈડી હવે મની લોન્ડ્રિંગ તેમજ આવકના સ્ત્રોતની તપાસ કરી રહી છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
ઈડીની તપાસમાં શું થયો ખુલાસો?
તપાસના દાયરામાં કેરવેલ ગ્રુપની (Carewll Group) કંપનીઓ છે, જે વિમાન સેવા (Aviation) સેક્ટરમાં કામ કરે છે. ઈડીના જણાવ્યા અનુસાર, એપ્રિલ 2023 થી જૂન 2026 વચ્ચે ઑલ ઈન્ડિયા તૃણમુલ કોંગ્રેસના (AITC) ખાતાઓમાંથી આશરે 160 કરોડ રૂપિયા કેરવેલ એવિએશન ઇન્ડિયા પ્રાઇવેટ લિમિટેડ (Carewell Aviation India Private Limited) અને તેની સાથે જોડાયેલી એક બીજી કંપનીને મોકલવામાં આવ્યા હતા. એજન્સીનો દાવો છે કે ત્યારબાદ કેરવેલ એવિએશન ઇન્ડિયા પ્રાઇવેટ લિમિટેડે (Carewell Aviation India Private Limited) 2023 થી 2026 વચ્ચે આશરે 82.96 કરોડ રૂપિયા પોતાની જ એક નવી કંપનીને મોકલી દીધા.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
દરોડા દરમિયાન ED ને ખબર પડી કે આ રકમનો મોટો હિસ્સો એક કંપનીના માધ્યમથી ‘એમ્બ્રેયર લેગસી 600’ વિમાન અને ‘અગસ્તા 109 એસપી’ હેલિકોપ્ટર ખરીદવામાં રોકવામાં આવ્યો હતો. ED ના મતે, આ બંનેની ખરીદી પર આશરે 112 કરોડ રૂપિયા ખર્ચ કરવામાં આવ્યા હતા. તપાસ એજન્સીનો એવો પણ દાવો છે કે હેલિકોપ્ટર ખરીદવામાં કેટલાક વિદેશી ફંડનો પણ ઉપયોગ થયો હતો, પરંતુ મોટાભાગના પૈસા સીધા ઑલ ઈન્ડિયા તૃણમુલ કોંગ્રેસના (AITC) ખાતાઓમાંથી આવ્યા હતા.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
મામલા પર ઈડીએ શું કહ્યું?
ઈડીના (ED) જણાવ્યા અનુસાર, વિમાન અને હેલિકોપ્ટર ખરીદ્યા પછી તેને ભાડેથી ઑલ ઈન્ડિયા તૃણમુલ કોંગ્રેસને (AITC) જ આપવામાં આવ્યા હતા. આના બદલામાં વિમાનનો ઉપયોગ કરવાના નામે મોટી રકમની ચૂકવણી કરવામાં આવી હતી. ઈડીનું (ED) કહેવું છે કે પ્રાથમિક દૃષ્ટિએ આ આખો વ્યવહાર શંકાસ્પદ લાગે છે અને આ પૈસાનો અસલી ઉપયોગ કયા હેતુ માટે કરવામાં આવ્યો હતો તે શોધી કાઢવાના પ્રયાસો થઈ રહ્યા છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
બંગાળમાં ઈડીની (ED) કાર્યવાહી પર રાજકીય હોબાળો
આ મામલાને લઈને પશ્ચિમ બંગાળનું (West Bengal) રાજકારણ ગરમાયું છે. ટીએમસી (TMC) આને બદલાની કાર્યવાહી ગણાવી રહી છે, જ્યારે ભાજપ (BJP) આને ભ્રષ્ટાચાર સામેની કાર્યવાહી ગણાવી રહ્યું છે. સૂત્રોના જણાવ્યા અનુસાર, જે સ્થળોએ દરોડા પાડવામાં આવ્યા છે તેમાં એક ખાનગી એવિએશન કંપની ‘કેઅરવેલ એવિએશન ઇન્ડિયા પ્રાઇવેટ લિમિટેડ’ ની (Carewell Aviation India Private Limited) ઓફિસ પણ સામેલ છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
આરોપ છે કે આ કંપની પહેલા ટીએમસીના (TMC) વરિષ્ઠ નેતાઓ, જેમાં મમતા બેનર્જી (Mamata Banerjee) અને અભિષેક બેનર્જીના (Abhishek Banerjee) નામ પણ લેવામાં આવી રહ્યા છે, તેમને ચાર્ટર્ડ વિમાન ઉપલબ્ધ કરાવતી હતી. તપાસ એજન્સી હવે આ નાણાકીય વ્યવહારો અને ફંડના સ્ત્રોતોની ઝીણવટભરી તપાસ કરી રહી છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
આ મામલો હવે અદાલત સુધી પહોંચી ચૂક્યો છે. મમતા બેનર્જી (Mamata Banerjee) જૂથે ખાતાઓ પર લગાવવામાં આવેલા પ્રતિબંધને કોલકાતા હાઈકોર્ટમાં (Kolkata High Court) પડકાર્યો હતો, પરંતુ અદાલતે તાત્કાલિક રાહત આપવાનો ઇનકાર કરી દીધો છે. આ પછી ઈડીએ મની લોન્ડ્રિંગના (Money Laundering) એંગલથી તપાસ તેજ કરી દીધી છે. એજન્સી હવે એ શોધી કાઢવાનો પ્રયાસ કરી રહી છે કે ખાતાઓમાં જમા થયેલી આ માતબર રકમ ક્યાંથી આવી અને તેનો ઉપયોગ કયા ઉદ્દેશ્યો માટે કરવામાં આવ્યો હતો. આ મામલે તપાસ હજુ ચાલુ છે.
#NewsPunch | The Enforcement Directorate (ED) conducts searches at multiple locations in and around Kolkata in connection with an alleged TMC-linked suspicious fund transaction case.
— DD News (@DDNewslive) July 8, 2026
According to the agency, the probe involves suspected financial transactions exceeding ₹150… pic.twitter.com/cnoyhCPFRS