Agni-5: ભારતે MIRV ટેકનોલોજી અને એકસાથે અનેક પરમાણુ લક્ષ્યોને નિશાન બનાવી શકવા સમર્થ એવા અગ્નિ-5 મિસાઇલનું સફળતાપૂર્વક પરીક્ષણ કર્યું છે. સફળ પરીક્ષણની માહિતી ડીઆરડીઓએ (DRDO) ટ્વીટ કરીને આપી હતી.
અદ્યતન અગ્નિ-5 (Agni-5) મિસાઇલનું સફળતાપૂર્વક પરીક્ષણ
ભારતે પોતાની સંરક્ષણ ક્ષમતાઓ વધુ મજબૂત કરતી અદ્યતન અગ્નિ-5 (Agni-5) મિસાઇલનું સફળતાપૂર્વક પરીક્ષણ કર્યું છે. સંરક્ષણ મંત્રાલયે જણાવ્યું હતું કે આ મિસાઈલ મલ્ટીપલ ઈન્ડિપેન્ડન્ટલી ટાર્ગેટેબલ રી-એન્ટ્રી વ્હીકલ (MIRV) ટેકનોલોજી ધરાવે છે. આ ટેકનોલોજીની મદદથી, એક જ મિસાઈલ અનેક અલગ અલગ સ્થળોએ સ્થિત દુશ્મનના સ્થળોને નિશાન બનાવી શકે છે અને અનેક પરમાણુ હથિયારો લઈ જઈ શકવા સક્ષમ છે.
મિશનના તમામ ઉદ્દેશ્યો સંપૂર્ણપણે સફળ
અગ્નિ-5 (Agni-5) મિસાઈલનું આ પરીક્ષણ 8 મે, 2026, શુક્રવારના દિવસે ઓડિશાના ડૉ. એપીજે અબ્દુલ કલામ ટાપુ પરથી કરવામાં આવ્યું હતું. સંરક્ષણ મંત્રાલયના જણાવ્યા અનુસાર, પરીક્ષણ દરમિયાન મિસાઈલ બહુવિધ પેલોડ્સ સાથે લોન્ચ કરવામાં આવી હતી અને હિંદ મહાસાગર ક્ષેત્રમાં વિવિધ સ્થળોએ સ્થિત લક્ષ્યોને સફળતાપૂર્વક હિટ કર્યા હતા. મંત્રાલયે જણાવ્યું હતું કે મિશનના તમામ ઉદ્દેશ્યો સંપૂર્ણપણે સફળ રહ્યા હતા.
મિસાઈલ પ્રક્ષેપણોનું સતત નિરીક્ષણ કરવા માટે જમીન અને સમુદ્ર બંને પર બહુવિધ ટ્રેકિંગ સિસ્ટમ્સ અને ટેલિમેટ્રી સ્ટેશનોનો ઉપયોગ કરવામાં આવ્યો હતો. આ સિસ્ટમોએ પ્રક્ષેપણથી લક્ષ્ય પર આગમન સુધીની બધી માહિતી રેકોર્ડ કરી હતી.
Advanced Agni missile with MIRV (Multiple Independently Targeted Re-Entry Vehicle) system was successfully tested from Dr. APJ Abdul Kalam Island, Odisha on 08th May 2026.
— DRDO (@DRDO_India) May 9, 2026
The missile was flight tested with Multiple payloads, targeted to different targets spatially distributed… pic.twitter.com/W7ufT7pwbt