Cyber Attack: પાકિસ્તાની હેકર્સ દ્વારા નિષ્ફળ સાયબર હુમલા, હવે ડિફેન્સ PSUની વેબસાઇટ હેક કરવાના કરાયા નિષ્ફળ પ્રયાસો

Cyber Attack: ટેકનોલોજીના આ યુગમાં યુદ્ધની તકનીકો પણ બદલાઈ ગઈ છે. જમીન પર યુદ્ધ મોડું શરૂ થાય છે, પણ ઇન્ટરનેટ પર તે સાયબર હુમલાના (Cyber Attack) સ્વરૂપમાં વહેલું શરૂ થાય છે. ભારતના પડોશી દેશો હંમેશા ભારતીય સેનાની વેબસાઈટ્સ હેક કરવાનો પ્રયાસ કરતા રહે છે. પહલગામ હુમલા પછી આમાં વધુ વધારો થયો છે.

દેવલિપિ ન્યુઝ વોટ્સએપ ચેનલ ફોલો કરો

પહલગામ આતંકી હુમલામાં જનરલ અમીસ મુનીરના આતંકવાદીઓએ હુમલો કર્યો. ભારતના વળતા હુમલાથી બચવા માટે, પાકિસ્તાની આર્મી ચીફે પોતાની સાયબર આર્મીને સક્રિય કરી દીધી છે. એક પણ દિવસ એવો નથી જતો જ્યારે ભારતીય સેનાને લગતી વેબસાઇટ્સ પર સાયબર હુમલો (Cyber Attack) ન થતો હોય.

આ વખતે પાકિસ્તાની હેકર્સે સંરક્ષણ મંત્રાલય હેઠળના PSU, આર્મર્ડ વ્હીકલ કોર્પોરેશન લિમિટેડની સત્તાવાર વેબસાઇટ પર સાયબર હુમલો (Cyber Attack) કરવાનો નિષ્ફળ પ્રયાસ કર્યો. પાકિસ્તાનના ધ્વજ અને અલ ખાલિદ ટેન્કના ફોટાનો ઉપયોગ કરીને આ વેબસાઇટને બગાડવાનો પ્રયાસ કરવામાં આવ્યો હતો. સાવચેતીના પગલા તરીકે, આર્મર્ડ વ્હીકલ કોર્પોરેશન લિમિટેડની વેબસાઇટ સંપૂર્ણપણે ઓફલાઇન કરી દેવામાં આવી હતી. હાલમાં તેનું ઓડિટ ચાલી રહ્યું છે.

હેકર્સના દાવાઓની તપાસ ચાલુ

X એકાઉન્ટ “પાકિસ્તાન સાયબર ફોર્સ” એ દાવો કર્યો છે કે આ જૂથે ભારતીય લશ્કરી એન્જિનિયરિંગ સેવા અને મનોહર પારિકર ઇન્સ્ટિટ્યૂટ ઓફ ડિફેન્સ સ્ટડીઝ એન્ડ એનાલિસિસની સાઇટ્સ હેક કરી છે અને સંવેદનશીલ ડેટા મેળવ્યો છે.

દેવલિપિ ન્યુઝ વોટ્સએપ ચેનલ ફોલો કરો

એવો પણ દાવો કરવામાં આવ્યો છે કે હેકર્સે સંરક્ષણ કર્મચારીઓની વ્યક્તિગત માહિતી પણ મેળવી લીધી છે જેમાં લોગિન ઓળખપત્રોનો સમાવેશ થાય છે. આ ડેટા ભંગના સમાચાર આવ્યા બાદથી, સાયબર નિષ્ણાતો તેની સંપૂર્ણ તપાસ કરી રહ્યા છે અને સંભવિત સાયબર હુમલાઓ (Cyber Attack) પર નજર રાખી રહ્યા છે. બધી વેબસાઈટ્સનું આંતરિક સુરક્ષા ઓડિટ કરવામાં આવી રહ્યું છે.

સાયબર હુમલાઓ (Cyber Attack) સતત ચાલુ

ભારતીય સેનાની સત્તાવાર સાઇટ 100% સુરક્ષિત છે તેથી સાયબર હુમલાખોર તેમાં ઘુસણખોરી કરી શકતા નથી, તેથી તેમના બોસને બતાવવા માટે, હેકર્સ સેના સંબંધિત શાળાઓની વેબસાઈટ્સ પર સાયબર હુમલા (Cyber Attack) કરવાનું ચાલુ રાખી રહ્યા છે.

ગયા ગુરુવારે, આર્મી પબ્લિક સ્કૂલ નાગરોટા અને આર્મી પબ્લિક સ્કૂલ શુંજુવાની વેબસાઈટ્સને ડીફેસ કરવાનો પ્રયાસ કરવામાં આવ્યો હતો. પાકિસ્તાની હેકર્સે આ બંને વેબસાઈટ્સને હેક કરવાનો પ્રયાસ કર્યો હતો. પહેલગામ આતંકવાદી હુમલાના પીડિતોની મજાક ઉડાવતા સંદેશાઓથી વેબસાઈટ્સનું સ્વરૂપ ખરાબ કરવામાં આવ્યું હતું.

#Pakistan wages full-blown cyber war against #India: Hacker groups from Bangladesh, Indonesia, Middle East involved

'This is cyber-terrorism', says Cyber Security Expert @pavanduggal @Nilesh_isme shares more details with @Swatij14 pic.twitter.com/Dl1uefYX5O

— TIMES NOW (@TimesNow) May 1, 2025

આ સાયબર હુમલાનો પ્રયાસ પાકિસ્તાન સ્થિત હેકર જૂથો ‘સાયબર ગ્રુપ HOAX1337’ અને ‘નેશનલ સાયબર ક્રૂ’ દ્વારા કરવામાં આવ્યો હતો. પાકિસ્તાની હેકર્સ તેમાં પણ સફળ થઈ શક્યા નહીં.

સૈન્ય અધિકારીઓના પરિવારોને પણ કરાઈ રહ્યા છે ટાર્ગેટ

પાકિસ્તાન સાવ છેલ્લી પાયરીએ ઉતરી આવ્યું છે કે તે હવે સેના સંબંધિત સ્વાયત્ત સંસ્થાઓ તેમજ ભૂતપૂર્વ સૈનિકો અથવા તેમના બાળકો સાથે સંકળાયેલી વેબસાઇટ્સને પણ ટાર્ગેટ કરી રહ્યું છે.

દેવલિપિ ન્યુઝ વોટ્સએપ ચેનલ ફોલો કરો

એક પાકિસ્તાની હેકર જૂથે આર્મી ઇન્સ્ટિટ્યૂટ ઓફ હોટેલ મેનેજમેન્ટની વેબસાઇટ અને ભારતીય વાયુસેનાના વેટરન્સની વેબસાઇટ હેક કરવાનો નિષ્ફળ પ્રયાસ કર્યો. ખાસ વાત એ છે કે જે જગ્યાઓ પર સાયબર હુમલા (Cyber Attack) થઈ રહ્યા છે તે ભારતીય સેનાના સુરક્ષિત નેટવર્ક સાથે જોડાયેલા નથી. રવિવારે અગાઉ, આર્મી પબ્લિક સ્કૂલ રાનીખેત, આર્મી પબ્લિક સ્કૂલ શ્રીનગરના બદામીબાગ કેન્ટ, આઈએએફ પ્લેસમેન્ટ સેલ, ઈન્ડિયન આર્મી હાઉસિંગ સોસાયટીની વેબસાઈટના હોમ પેજ ડીફેસ કરવામાં આવ્યા હતા.

દેવલિપિ ન્યુઝ વોટ્સએપ ચેનલ ફોલો કરો