‘એ ગંગાજળ (Gangajal) કોણ પીવે?’ કટ્ટર હિંદુ નેતાના નિવેદનથી ગરમાટો, મહાકુંભ પર પણ કર્યું વિવાદાસ્પદ નિવેદન

એક કટ્ટર હિંદુએ ગંગાજળ (Gangajal) ની મજાક ઉડાવતા કહ્યું કે કુંભનું પાણી પીવા કે નહાવા યોગ્ય નથી, લોકો માત્ર વાહિયાત વાતો કરે છે. નદીઓ પ્રદૂષિત થઈ ગઈ છે, તેની સફાઈની માત્ર વાતો થઈ રહી છે પણ સફાઈ કરવામાં આવતી નથી.

મહારાષ્ટ્ર નવનિર્માણ સેનાના અધ્યક્ષ રાજ ઠાકરેએ ગંગાજળ (Gangajal) પર ઉશ્કેરણીજનક નિવેદન આપ્યું છે. મનસેની રેલીમાં આપવામાં આવેલા નિવેદનને લઈને નવો વિવાદ સર્જાવાની શક્યતા છે. પોતાના ભાષણમાં અંધશ્રદ્ધા પર ટીપ્પણી કરતા તેમણે કુંભમેળામાં ગંગામાં સ્નાન કરવાની સીધી મજાક ઉડાવી છે.

તેમની પાર્ટી MNS તેનો 19મો સ્થાપના દિવસની ઉજવણી પ્રસંગે બોલતા રાજ ઠાકરેએ પ્રશ્ન પૂછ્યો કે કુંભ મેળામાં ગંગાજળ (Gangajal) કોણ પીશે? વાસ્તવમાં. તેમની પાર્ટીના વરિષ્ઠ વિદ્વાન ડૉ. સદાનંદ મોરેએ મહારાષ્ટ્રના ઈતિહાસ પર કાર્યકર્તાઓને સંબોધિત કર્યા હતા. ઠાકરેએ MNS કાર્યકર્તાઓને સંબોધિત કરતી વખતે વિવિધ મુદ્દાઓ પર પણ ટિપ્પણી કરી હતી.

રાજકીય પક્ષો દલાલ બની ગયા છે

ઠાકરેએ તેમની પાર્ટીના વિભાજન પછી આકરી ટીકા કરી અને કહ્યું કે રાજકીય પક્ષો દલાલો બની ગયા છે. તેમણે કહ્યું કે આપણે બીજા રાજકીય ફેરિયાઓ જેવા નથી. તેઓ જોયા વિના અહીં અને ત્યાં ફર્યા કરે છે. રાજ ઠાકરેએ એમ પણ કહ્યું કે અમે આવા ફેરિયાઓ નથી. અમે પૂરી દુકાન લગાવીશું, પણ રાજકીય ફેરિયા નહીં બનીએ.

કોણ પીશે ગંગાજળ (Gangajal)?

રાજ ઠાકરે તેમની પાર્ટી MNSના 19મા સ્થાપના દિવસ નિમિત્તે પિંપરી ચિંચવડમાં કાર્યકરોને સંબોધિત કરી રહ્યા હતા. આ દરમિયાન તેમણે કહ્યું કે તાજેતરમાં જ મુંબઈમાં એક બેઠક યોજાઈ હતી. જેમાં કેટલાક પદાધિકારીઓ અને કાર્યકરો ગેરહાજર રહ્યા હતા. કારણ પૂછ્યું તો દરેકે જુદા જુદા કારણો આપ્યા.

તેમણે વધુમાં જણાવ્યું હતું કે, કેટલાકે તો કુંભમાં ગયા હોવાનું પણ કહ્યું હતું. મેં કહ્યું તમે પાપ કેમ કરો છો? બાલા નાંદગાંવકર કમંડલમાં મારા માટે ગંગાજળ (Gangajal) લાવ્યા. મેં ઘણા વીડિયો જોયા જેમાં મહિલાઓ અને લોકો તેમના શરીરને ઘસતા જોવા મળ્યા હતા (શરીર ઘસવાની ક્રિયા કરતા કહ્યું). બાલા નંદગાંવકર કહેતા હતા – આ ગંગાજળ (Gangajal) પીઓ. મેં કહ્યું કે હું નથી નહાવાનો. અને ગંગાજળ (Gangajal) શા માટે પીવું જોઈએ? તે પાણી કોણ પીશે?…કોવિડ હમણાં જ ગયો છે. બે વર્ષથી મોઢા પર માસ્ક પહેરીને ફરતો હતો. હવે ત્યાં જઈને સ્નાન કરવું. એ ગંગામાં કોણ કૂદકો મારશે? શ્રદ્ધાનો પણ કોઈક અર્થ હોવો જોઈએ.

Maharashtra: MNS Chief Raj Thackeray says, "Some people told me that they are unwell as they have returned from the Maha Kumbh. Even our Bala Nandgaonkar had gone to the Kumbh. On his way back, he brought some Ganga water for me in a small kamandalu. When he gave it to me, I… pic.twitter.com/by4a6e6mBw

— IANS (@ians_india) March 9, 2025

‘એક નદી પણ સ્વચ્છ નથી…’

રાજ ઠાકરેએ કાર્યકરોને કહ્યું કે દેશની એક પણ નદી સ્વચ્છ નથી. તેમાં કોઈ સ્નાન કરી રહ્યું છે તો કોઈ કપડાં ધોઈ રહ્યું છે. તેમણે કહ્યું કે રાજીવ ગાંધીના સમયથી હું સાંભળતો આવ્યો છું કે ગંગાની સફાઈ થશે પરંતુ એવું થઈ રહ્યું નથી. ઠાકરેએ લોકોને અંધશ્રદ્ધામાંથી બહાર આવવા અપીલ કરી હતી. રાજા ઠાકરેએ કહ્યું કે દેશની એક પણ નદી સ્વચ્છ નથી, પરંતુ આપણે તેને માતા કહીએ છીએ. વિદેશમાં લોકો નદીઓને માતા નથી કહેતા, પરંતુ ત્યાંની નદીઓ સ્વચ્છ છે.