અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પે ભવ્ય વિજય મેળવ્યો છે ત્યારે કોંગ્રેસના નેતા અને લોકસભા વિપક્ષના નેતા રાહુલ ગાંધીએ ટ્રમ્પને પત્ર લખીને તેમના વિજય પર અભિનંદન પાઠવ્યા છે. પોતાના પત્રમાં કોંગ્રેસ નેતાએ તેમના ઉત્સાહી રાષ્ટ્રપતિ ચૂંટણી અભિયાનની પ્રશંસા કરી. કોંગ્રેસના નેતા રાહુલ ગાંધીએ અમેરિકાના નવા ચૂંટાયેલા રાષ્ટ્રપતિને લખેલા પત્રમાં ડોનાલ્ડ ટ્રમ્પને તેમની બીજી ચૂંટણી જીત બદલ અભિનંદન પાઠવ્યા હતા અને ટ્રમ્પ વહીવટીતંત્રના બીજા કાર્યકાળમાં ભારત અને અમેરિકા વચ્ચે મજબૂત સંબંધો રહેશે તેવી આશા વ્યક્ત કરી હતી. આ ઉપરાંત રાહુલ ગાંધીએ ચુંટણીમાં ટ્રમ્પ સામે હારેલા ડેમોક્રેટ ઉમેદવાર અને વાઈસ પ્રેસિડેન્ટ કમલા હેરિસને પણ પત્ર લખ્યો હતો.
.@RahulGandhi writes to @realDonaldTrump and @KamalaHarris @DeccanHerald pic.twitter.com/WT57U7nLQy
— Shemin (@shemin_joy) November 8, 2024
રાહુલ ગાંધીએ ટ્રમ્પને પત્રમાં શું લખ્યું?
રાહુલ ગાંધી એ પોતાના પત્રમાં લખ્યું કે, “ભારત અને અમેરિકાની મિત્રતા ઐતિહાસિક છે, જે લોકતાંત્રિક મૂલ્યો પ્રત્યેની આપણી પ્રતિબદ્ધતા પર આધારિત છે. અમને વિશ્વાસ છે કે તમારા નેતૃત્વ હેઠળ આપણા દેશો પરસ્પર હિતના ક્ષેત્રોમાં સહયોગને વધુ ગાઢ બનાવશે.” તેમણે આગળ લખ્યું “હું એ પણ આશા રાખું છું કે આપણે ભારતીયો અને અમેરિકનો બંને માટે તકો અને શક્યતાઓને વિસ્તૃત કરવા માટે કામ કરવાનું ચાલુ રાખીશું,”.
રાહુલ ગાંધીએ કમલા હેરિસની પ્રશંસા કરી
રાહુલ ગાંધીએ કમલા હેરિસને લખેલાપત્રમાં લખ્યું છે કે, “હું તમને તમારા જુસ્સાદાર રાષ્ટ્રપતિ અભિયાન માટે અભિનંદન પાઠવું છું. “તમારો આશાનો એકીકૃત કરવાનો સંદેશ ઘણાને પ્રેરણા આપતો રહેશે.” પત્રમાં રાહુલ ગાંધીએ વધુમાં લખ્યું કે, “ઉપપ્રમુખ તરીકે લોકોને એકસાથે લાવવાનો, સમાન આધાર શોધવાના તમારા દ્રઢ સંકલ્પોને યાદ રાખવામાં આવશે.” પત્રમાં અંતમાં લખ્યું છે કે, “તમારા ભવિષ્યના પ્રયાસો માટે હું તમને શુભેચ્છા પાઠવું છું.”
[…] એ યુએસ સરકારની વૈધાનિક સંસ્થા છે જેને ડોનાલ્ડ ટ્રમ્પ સત્તા ઉપર આવતાં જ બંધ કરી દીધી છે. […]