આજના સમયમાં દરેક વ્યક્તિના હાથમાં સ્માર્ટફોન છે. નાનાથી લઈને વૃદ્ધ સુધી દરેક સોશિયલ મીડિયા પર એક્ટિવ છે. જ્યાં એક તરફ સોશિયલ મીડિયાના ફાયદા છે તો બીજી તરફ તેના ગેરફાયદા પણ છે. હવે 18 વર્ષથી ઓછી ઉંમરના બાળકોને સોશિયલ મીડિયા પર એકાઉન્ટ બનાવવા માટે માતાપિતાની સંમતિ લેવી પડશે. વાસ્તવમાં, ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયે પર્સનલ ડિજિટલ ડેટા પ્રોટેક્શન એક્ટ (DGDP) નિયમો માટે ડ્રાફ્ટ નિયમો જારી કર્યા છે. 18મી ફેબ્રુઆરી સુધી મળેલા વાંધા-સૂચનોના આધારે બેઠકમાં ફેરફાર કરવામાં આવશે અન્યથા ચાલુ રાખવામાં આવશે.
લાંબા સમયથી જોવાઈ રહી હતી રાહ
પર્સનલ ડિજિટલ ડેટા પ્રોટેક્શન નિયમોની લાંબા સમયથી રાહ જોવાઈ રહી હતી. સરકારે હવે તૈયાર કરેલા ડ્રાફ્ટમાં નિયમોના ભંગ બદલ કોઈ શિક્ષાત્મક કાર્યવાહીનો ઉલ્લેખ નથી. હવે સરકારે નિયમો જારી કરવા અંગે લોકો પાસેથી અભિપ્રાય માંગ્યો છે. આ અંગે લોકોના અભિપ્રાયને ધ્યાને લઈને અંતિમ નિર્ણય 18 ફેબ્રુઆરી પછી લેવામાં આવશે. આ સાથે નિયમોનું પાલન ન કરનાર કંપનીઓ પર દંડ પણ વસૂલવામાં આવશે.
250 કરોડ સુધીના દંડની જોગવાઈ
આ નોટિફિકેશન જણાવે છે કે પર્સનલ ડિજિટલ ડેટા પ્રોટેક્શન એક્ટ-2023 ની કલમ 40 ની પેટા-કલમ (1) અને (2) ની સત્તાઓનો ઉપયોગ કરીને, કેન્દ્ર સરકારે અધિનિયમના અમલમાં આવવાની તારીખથી અથવા ત્યાર પછી બનાવવામાં આવરાના નિયમોનો સૂચિત મુસદ્દો લોકોની માહિતી માટે બહાર પાડવામાં આવ્યો છે. એવું કહેવામાં આવ્યું છે કે આ ડ્રાફ્ટ નિયમો પર 18 ફેબ્રુઆરી, 2025 પછી વિચારણા કરવામાં આવશે. આ નિયમમાં ડેટા ફિડ્યુસિયરી પર 250 કરોડ રૂપિયા સુધીનો દંડ લગાવવાની જોગવાઈ છે.
[…] માટે ફેસબુક, વોટ્સએપ અથવા અન્ય સોશિયલ મીડિયા પ્લેટફોર્મનો ઉપયોગ કરે છે. આ કૌભાંડ કરતા […]