Pahalgam Terror Attack: પહેલગામ આતંકવાદી હુમલા બાદ કાર્યવાહી, કાશ્મીર ખીણમાંથી 1500 થી વધુ લોકોની અટકાયત

Pahalgam Terror Attack: જમ્મુ-કાશ્મીરના પહલગામમાં થયેલા આતંકવાદી હુમલા બાદ સુરક્ષા દળોએ કાર્યવાહી શરૂ કરી દીધી છે. પહલગામ હુમલા બાદ સરહદી રાજ્ય પંજાબે પણ પોતાની સુરક્ષા વધારી દીધી છે.

દેવલિપિ ન્યુઝની વોટ્સએપ ચેનલ ફોલો કરો

જમ્મુ-કાશ્મીરના પહેલગામમાં થયેલા આતંકવાદી (Pahalgam Terror Attack) હુમલા બાદ સુરક્ષા દળોએ કાર્યવાહી શરૂ કરી દીધી છે. સુરક્ષા દળોએ કાશ્મેર ખીણમાંથી 1,500 થી વધુ લોકોની અટકાયત કરી છે. આમાં એવા લોકોનો સમાવેશ થાય છે જેઓ ઓવર ગ્રાઉન્ડ વર્કર્સ (OGW) છે અથવા આતંકવાદી પ્રવૃત્તિઓમાં સામેલ છે.

પહલગામ હુમલા (Pahalgam Terror Attack) બાદ સરહદી રાજ્ય પંજાબમાં સુરક્ષા વધારાઈ

જમ્મુ-કાશ્મીરના પહલગામમાં થયેલા આતંકવાદી હુમલા (Pahalgam Terror Attack) બાદ, આ વિસ્તારમાં સુરક્ષા વ્યવસ્થા વધારી દેવામાં આવી છે. હુમલા બાદ સરહદી રાજ્ય પંજાબે પણ પોતાની સુરક્ષા વધારી દીધી છે. આ આતંકવાદી હુમલા બાદ, કેન્દ્રીય ગૃહમંત્રી અમિત શાહે બુધવારે (23 એપ્રિલ 2025) ઘટનાસ્થળની મુલાકાત લીધી હતી. ગૃહમંત્રીને સમગ્ર ઘટનાક્રમ અને આતંકવાદીઓ ગાઢ પાઈન જંગલોથી ઘેરાયેલા લોકપ્રિય પર્યટન સ્થળ સુધી કયા માર્ગો દ્વારા પહોંચ્યા હશે તેની પણ માહિતી આપવામાં આવી હતી. આ સ્થળ શ્રીનગરથી લગભગ 110 કિલોમીટર દૂર છે.

#BreakingNews: 1500 people rounded up across #Kashmir post #Pahalgam attack, top police sources confirm to #TimesNetwork

It will take time to gun down the terrorists: Lt Gen (Retd) Syed Ata Hasnain (@atahasnain53), Defence Analyst #DailyMirror | @shreyadhoundial pic.twitter.com/UPWUHSFtaE

— Mirror Now (@MirrorNow) April 23, 2025

રાજનાથ સિંહે લદ્દાખની મુલાકાત રદ કરી

કાશ્મીરના પહેલગામમાં થયેલા આતંકવાદી હુમલા બાદ સંરક્ષણ પ્રધાન રાજનાથ સિંહે લદ્દાખની બે દિવસીય મુલાકાત રદ કરી છે. સંરક્ષણ પ્રધાન 25 અને 26 એપ્રિલે લદ્દાખની મુલાકાત લેવાના હતા. બુધવારે લગભગ અઢી કલાક ચાલેલી બેઠક દરમિયાન તેમણે જમ્મુ અને કાશ્મીરમાં સુરક્ષા પરિસ્થિતિની સમીક્ષા કરી હતી.

અમેરિકાના રાષ્ટ્રપતિ ડોનાલ્ડ ટ્રમ્પ, રશિયાના રાષ્ટ્રપતિ વ્લાદિમીર પુતિન અને ઇઝરાયલી વડા પ્રધાન બેન્જામિન નેતન્યાહૂ સહિત વિશ્વભરના નેતાઓએ જમ્મુ અને કાશ્મીરમાં થયેલા આતંકવાદી હુમલાની નિંદા કરી અને ભારત સાથે એકતા વ્યક્ત કરી છે. પ્રધાનમંત્રી નરેન્દ્ર મોદી સાથેની વાતચીતમાં, ટ્રમ્પે આતંકવાદી હુમલાની સખત નિંદા કરી અને આ જઘન્ય હુમલાના ગુનેગારોને ન્યાયના કઠેડામાં લાવવામાં ભારતને સંપૂર્ણ સમર્થન આપ્યું.

પહેલગામમાં થયેલા આતંકવાદી હુમલા બાદ રશિયાના રાષ્ટ્રપતિ વ્લાદિમીર પુતિને ભારતના રાષ્ટ્રપતિ દ્રૌપદી મુર્મુ અને પ્રધાનમંત્રી મોદીને લખેલા સંદેશમાં શોક વ્યક્ત કર્યો હતો. પુતિને કહ્યું કે આ ક્રૂર ગુના માટે કોઈ વાજબીપણું નથી અને તેના ગુનેગારોને ઉચિત સજા મળવી જોઈએ.

દેવલિપિ ન્યુઝની વોટ્સએપ ચેનલ ફોલો કરો