સુરત APMCમાંથી પ્રતિબંધિત ચાઈનીઝ લસણનો જથ્થો જપ્ત કરવામાં આવ્યો છે. લગભગ 2150 કિલો પ્રતિબંધિત ચાઈનીઝ લસણ પકડાયું છે. સુરત APMCમાંથી જપ્ત કરવામાં આવેલા લસણની કિંમત આશરે 10 લાખ રુપિયા થવા જાય છે.
ચાઈનીઝ લસણનો જથ્થો ઝડપાયો
મોટા ભાગના ઘરોમાં રસોઈમાં લસણનો ઉપયોગ કરવામાં આવતો હોય છે ત્યારે હવે ચેતી જવાના દિવસો આવી ગયા છે. હવે બજારમાંથી લાવવામાં આવેલું લસણ ચાઈનીઝ લસણ હોય શકે છે. જેની વિપરીત અસર સ્વાસ્થ્ય પર પડી શકે છે. ચાઈનીઝ લસણ દેખાવમાં સામાન્ય કરતાં સારુ દેખાય છે આવા સારા દેખાતું લસણ સુરત APMC પહોંચી ગયું હોવાનું સામે આવ્યું છે. એપીએમસી દ્વારા ચાઈનીઝ લસણનો જથ્થો ઝડપી લેવામાં આવ્યો છે. પકડાયેલા ચાઈનીઝ લસણનો નાશ પણ કરવામાં આવ્યો છે.
Surat APMCમાંથી પ્રતિબંધિત Chinese Garlic ઝડપાયું | GujaratFirst
— Gujarat First (@GujaratFirst) January 8, 2025
કુલ દસ લાખની કિંમતનું 2 હજાર 150 કિલો ચાઇનીઝ લસણ જપ્ત
Surat APMCએ 2150 કિલો ચાઇનીઝ લસણનો નાશ કર્યો
ખેડૂતોના હિતમાં Chinese Garlic ઉપર પ્રતિબંધ લદાયો
વર્ષ 2014થી Chinese Garlic ના વેચાણ પર પ્રતિબંધ#SuratAPMC… pic.twitter.com/8uPo3ahNWb
ભારતમાં પ્રતિબંધ છે ચાઇનીઝ લસણ
ખેડૂતોની આજીવિકાના રક્ષણ તેમજ લોકોના સ્વાસ્થ્યના રક્ષણ માટે ભારતમાં ચાઈનીઝ લસણના વેચાણ ઉપર વર્ષ 2014થી પ્રતિબંધ છે. ચાઈનીઝ લસણમાં અનેક પ્રકારના હાનિકારક રસાયણોનો ઉપયોગ કરવામાં આવતો હોય છે. સુરત APMCમાંથી 2,150 કિલો ચાઈનીઝ લસણ ઝડપાયુ છે. જેની કિંમત દસ લાખ રુપિયા જેટલી માનવામાં આવી રહી છે. ચાઈનીઝ લસણ ઉપર ભારતમાં પ્રતિબંધ છે ત્યારે ચાઈનીઝ લસણનો મોટો જથ્થો પકડાતા ચકચાર મચી ગઈ છે.
આ પહેલા સપ્ટેમ્બર મહિનામાં ગોંડલના માર્કેટ યાર્ડમાંથી 30 કટ્ટા એટલે કે અંદાજીત 600 કિલો ચાઈનીઝ લસણ ઝડપાયું હતું.
ચાઈનીઝ લસણનો રંગ આછો સફેદ અથવા આછો ગુલાબી અને કદ નાનું હોય છે. ચાઈનીઝ લસણમાં જંતુનાશકોનું પ્રમાણ પણ વધુ હોય છે. ભારતીય લસણ કરતા ચાઈનીઝ લસણ સસ્તુ હોય છે. ભારતમાં મોટા પ્રમાણમાં ગેરકાયદેસર રીતે નેપાળના રસ્તે ચાઇનીઝ લસણનો સપ્લાય કરવામાં આવી રહ્યું હોવાનું જાણકારોનું માનવું છે.