નામ: મોહમ્મદ ઈસ્લામ સેહજાદ, સરનામું: બાંગ્લાદેશ! મુંબઈ પોલીસે સૈફના હુમલાખોરની સંપૂર્ણ કુંડળી જાહેર કરી

મોહમ્મદ સરીફુલ ઈસ્લામ સેહજાદ નામ છે તેનું જેણે સૈફ અલી ખાનના ઘરમાં ઘૂસીને તેના પર હુમલો કર્યો અને જેની ધરપકડ કરવામાં આવી છે. તે મુંબઈમાં બિજોય દાસના નામથી રહેતો હતો. મુંબઈ પોલીસે એક પ્રેસ કોન્ફરન્સમાં જણાવ્યું કે હુમલાખોર મોહમ્મદ સરીફુલ ઈસ્લામ સેહજાદ સૈફના ઘરમાં ચોરીના ઈરાદે ઘૂસ્યો હતો. એવું પણ કહેવામાં આવ્યું હતું કે તેના ભારતીય હોવાના કોઈ પુરાવા મળ્યા નથી અને તે બાંગ્લાદેશી નાગરિક હોઈ શકે છે.

#WATCH | Saif Ali Khan Attack case | Mumbai: DCP Zone 9 Dixit Gedam says, "Prima facie the accused is a Bangladeshi and after entering India illegally he changed his name. He was using Vijay Das as his current name. He came to Mumbai 5-6 months ago. He stayed in Mumbai for a few… pic.twitter.com/r08nkk6ott

— ANI (@ANI) January 19, 2025

મોહમ્મદ સરીફુલ ઈસ્લામ સેહજાદ હતો હુમલાખોર

મુંબઈ પોલીસના ડીસીપી દીક્ષિત ગેદમે પ્રેસ કોન્ફરન્સ દરમિયાન કહ્યું, ’16 જાન્યુઆરીએ સવારે 2 વાગ્યે સૈફ અલી ખાનના ઘર પર હુમલો થયો હતો. બાંદ્રા પોલીસે આ કેસમાં એક આરોપીની ધરપકડ કરી છે. આરોપીનું નામ મોહમ્મદ સરીફુલ ઈસ્લામ સેહજાદ છે, જેણે પોતાનું નામ બદલી નાખ્યું હતું અને તે થોડા મહિનાઓથી મુંબઈમાં રહેતો હતો. તપાસમાં જાણવા મળ્યું કે તે ચોરીના ઈરાદે સૈફ અલી ખાનના ઘરે ગયો હતો. એવું લાગે છે કે આ આરોપી બાંગ્લાદેશી હોઈ શકે છે. અમે તપાસ કરી રહ્યા છીએ અને પાસપોર્ટ એક્ટની કલમો હેઠળ કેસ નોંધવામાં આવી રહ્યો છે.’

#WATCH | Saif Ali Khan Attack case | Mumbai: DCP Zone 9 Dixit Gedam says, "On January 16, at 2 am, actor Saif Ali Khan was attacked at his residence. FIR was registered and one accused has been arrested. His name is Mohammad Shariful Islam Shehzad, he is 30 years old. He entered… pic.twitter.com/8ycVV3CLxI

— ANI (@ANI) January 19, 2025

હુમલાખોર બાંગ્લાદેશી

સૈફ પર હુમલો કરનાર આરોપી બાંગ્લાદેશી હોવાના પુરાવા મળ્યા છે. તેની પાસે ભારતના કોઈ દસ્તાવેજો નથી. તેની પાસેથી કેટલીક વસ્તુઓ મળી આવી છે, જે દર્શાવે છે કે તે બાંગ્લાદેશી છે. કહેવામાં આવી રહ્યું છે કે આરોપીએ ભારત આવ્યા બાદ પોતાનું નામ બદલી નાખ્યું હતું. મોહમ્મદ સરીફુલ ઈસ્લામ સેહઝાદ ગેરકાયદેસર રીતે ભારતમાં પ્રવેશ્યો હતો અને છેલ્લા 4 મહિનાથી મુંબઈના થાણેમાં રહેતો હતો. પોલીસે જણાવ્યું કે તે હાઉસ કીપીંગ એજન્સીમાં કામ કરતો હતો.