જમ્મુ અને કાશ્મીરના પુંછ જિલ્લાના બાલનોઈ સેક્ટરમાં મંગળવારે (24 ડિસેમ્બર, 2024) એક મોટો માર્ગ અકસ્માત થયો હતો. આ અકસ્માતમાં સેનાનું એક વાહન 300 ફૂટ ઊંડી ખાઈમાં પડી ગયું હતું. વ્હાઇટ નાઈટ કોર્પ્સ દ્વારા X પર પોસ્ટ કરીને માહિતી આપતાં કહેવામાં આવ્યું છે કે પૂંચ સેક્ટરમાં ઓપરેશનલ ડ્યુટી દરમિયાન સેનાનું એક વાહન દુર્ઘટનાગ્રસ્ત થયું હતું. આ દુર્ઘટનામાં પાંચ જવાનોના વીરગતિ પામ્યા છે. વ્હાઇટ નાઈટ કોર્પ્સે સૈનિકોના નિધન પર શોક વ્યક્ત કર્યો છે. ઘટનાસ્થળે બચાવ કામગીરી ચાલી રહી છે અને ઘાયલ જવાનોની સારવાર કરવામાં આવી રહી છે.
અકસ્માત અંગે પોલીસ અધિકારીઓએ જણાવ્યું હતું કે, “મંગળવારે સાંજે લગભગ 17:40 વાગ્યે નીલમ હેડક્વાર્ટરથી એલઓસી પાસે બાલનોઇ ઘોરા પોસ્ટ તરફ જઈ રહેલું 1 મરાઠા લાઇટ ઇન્ફન્ટ્રીનું એક સૈન્ય વાહન ગોરા પોસ્ટ પાસે અકસ્માતનો ભોગ બન્યું હતું.”
All ranks of #WhiteKnightCorps extend their deepest condolences on the tragic loss of five brave soldiers in a vehicle accident during operational duty in the #Poonch sector.
— White Knight Corps (@Whiteknight_IA) December 24, 2024
Rescue operations are ongoing, and the injured personnel are receiving medical care.@adgpi…
આ પહેલા પણ સેનાના આવા અનેક વાહનોના અકસ્માતના અહેવાલો સામે આવ્યા છે. વર્ષ 2023માં 29 એપ્રિલે રાજૌરીમાં સેનાની એમ્બ્યુલન્સ 200 ફૂટ ઊંડી ખાઈમાં પડી હતી, જેમાં બે જવાનો વીરગતિ પામ્યા હતા. વર્ષ 2023માં 19 ઓગસ્ટના રોજ સેનાનું એક વાહન 60 ફૂટ ખાઈમાં પડી ગયું હતું, જેમાં 9 જવાનો વીરગતિ પામ્યા હતા.