– કેન્દ્રીય કેબિનેટની આર્થિક બાબતોની સમિતિનો નિર્ણયાશિક અને ફાસ્પેટિક ખાતરની કિંમત નહીં વધે
– પોટાશિક અને ફોસ્ફેટિક ખાતરની કિંમત નહીં વધે
– સરકારે બંને ખાતરો પરની સબસિડી વધારવાનો પણ નિર્ણય લીધો
મોદી કેબિનેટનો ખેડૂતલક્ષી નિર્ણય
પ્રધાનમંત્રી નરેન્દ્ર મોદીની અધ્યક્ષતામાં આર્થિક બાબતોની કેબિનેટ કમિટીએ ફોસ્ફેટિક અને પોટાશ ખાતરોની વધેલી કિંમત પાછી લેવાનો નિર્ણય લીધો છે. મોદી સરકારે આ વર્ષે ફાસ્પેટિક અને પોટાશિક ખાતરોની કિંમતોમાં વધારો નહીં કરવાનો નિર્ણય લીધો છે. આ ઉપરાંત સરકારે બંને ખાતરો પરની સબસિડી વધારવાનો પણ નિર્ણય લીધો છે. આર્થિક મામલાઓની મંત્રી મંડળીય સમિતિ (સીસીઈએ)એ 2021-2022ના વર્ષ માટે બે મહત્વપૂર્ણ ખેડૂતલક્ષી નિર્ણય લીધા છે, જેમાં ફોસ્ફેટિક અને પોટાશ ખાતરોની વધેલી કિંમત પાછી લેવાનો તથા ફોસ્ફેટિક અને પોટાશ ખાતર પર પ્રતિ બેગ 438 રૂપિયાની સબસિડી વધારવાનો સમાવેશ થાય છે.
અગાઉ વધારાની 28,655 કરોડ રૂપિયાની સબસિડીની જાહેરાત કરવામાં આવી હતી
અગાઉ યોજાયેલી મોદી કેબિનેટની મહત્વની બેઠકમાં ફોસ્ફેટિક અને પોટાશિક ફર્ટિલાઈઝર માટે વધારાની 28,655 કરોડ રૂપિયાની સબસિડીની જાહેરાત કરવામાં આવી હતી. આર્થિક બાબતોની કેબિનેટ કમિટી (CCEA) દ્વારા ઓક્ટોબર 2021થી માર્ચ 2022ના સમયગાળા માટે એનપી એન્ડના ખાતરો ગણાતા ફોસ્ફેટિક અને પોટાશિક ખાતર માટે પોષક તત્વ આધારીત સબસિડીને મંજૂરી આપી છે. એક તરફ કૃષિ કાયદાના વિરોધમાં ખેડૂતો સતત પ્રદર્શનો કરી રહ્યા છે તેવા સમયમાં આ નિર્ણય લેવામાં આવ્યો છે તે કેન્દ્ર સરકાર ખેડૂતોના હિતોને મહત્વપૂર્ણ માને છે અને ખેડૂતોની ચિંતા કરે છે તે તરફ નિર્દેશ કરે છે.