સીબીઆઈએ છત્તીસગઢના પૂર્વ મુખ્યમંત્રી (EX CM) અને કોંગ્રેસના દિગ્ગજ નેતા ભૂપેશ બઘેલના ઘરે દરોડા પાડ્યા હતા. ઉલ્લેખનીય છે કે ED અગાઉ દરોડા પાડી ચૂકી છે. સીબીઆઈએ બઘેલના નજીકના સંબંધીઓના ઘરે પણ દરોડા પાડ્યા છે. અનેક કૌભાંડોના આરોપો બાદ આ કાર્યવાહી કરવામાં આવી છે.
સીબીઆઈ છત્તીસગઢના પૂર્વ મુખ્યમંત્રી (EX CM) અને કોંગ્રેસના દિગ્ગજ નેતા ભૂપેશ બઘેલના ભિલાઈ અને રાયપુરમાં આવેલા બંગલા પર સવારે 5.30 વાગે પહોંચી હતી. પૂર્વ સીએમ (EX CM) સિવાય સીબીઆઈએ ચાર પોલીસ અધિકારીઓના બંગલા પર પણ દરોડા પાડ્યા છે. સૂત્રોના જણાવ્યા અનુસાર, સીબીઆઈની ટીમ આઈપીએસ અભિષેક પલ્લવ, આઈપીએસ આરિફ શેખ, આઈપીસી આનંદ છાબરા અને એડિશનલ એસપી અભિષેક મહેશ્વરીના બંગલે પહોંચવાના સમાચાર છે.
#WATCH | Raipur: CBI raids underway at the residence of former Chhattisgarh CM and Congress leader Bhupesh Baghel. pic.twitter.com/McOgzts1qk
— ANI (@ANI) March 26, 2025
પૂર્વ મુખ્યમંત્રી (EX CM) સિવાય અન્યોના ઘેર પણ દરોડા પાડ્યા
સીબીઆઈ મહાદેવ સટ્ટા એપ કેસમાં દરોડા પાડી રહી હોવાનું મનાઈ રહ્યું છે. આ સિવાય સીબીઆઈએ પૂર્વ સીએમ (EX CM) સલાહકાર વિનોદ વર્મા અને ધારાસભ્ય દેવેન્દ્ર યાદવના બંગલે પણ દરોડા પાડ્યા છે. 20 હજાર કરોડ રૂપિયાના મહાદેવ સટ્ટા કૌભાંડની માહિતી પ્રકાશમાં આવી હતી, જેના કારણે મહાદેવ સટ્ટાબાજીની કામગીરીમાં પૂર્વ કોંગ્રેસ સરકાર અને તેના અધિકારીઓની ભૂમિકા બહાર આવી હતી, ત્યારબાદ ભૂપેશ બઘેલ પર પણ 500 કરોડ રૂપિયાના ટ્રાન્ઝેક્શનનો આરોપ લાગ્યો હતો. આ પહેલા શુભમ સોનીએ એક વીડિયો જાહેર કરીને સીએમ બઘેલ પર આરોપ લગાવ્યો હતો.
ભૂપેશ બઘેલના એક્સ હેન્ડલ પર તેમની ઓફિસને ટાંકીને ટ્વીટ કરવામાં આવી હતી કે, ‘હવે સીબીઆઈ આવી છે. 8મી અને 9મી એપ્રિલે અમદાવાદ (ગુજરાત)માં યોજાનારી AICCની બેઠક માટે રચાયેલી “ડ્રાફ્ટિંગ કમિટિ”ની બેઠક માટે પૂર્વ મુખ્યમંત્રી ભૂપેશ બઘેલ આજે દિલ્હી જવાના છે. તે પહેલા સીબીઆઈ રાયપુર અને ભિલાઈના ઘરે પહોંચી ગઈ હતી.’
કોંગ્રેસ પાર્ટીના છત્તીસગઢ કોમ્યુનિકેશન્સ ચીફ સુશીલ આનંદ શુક્લાએ એક નિવેદનમાં કહ્યું કે, ‘ભાજપની મોદી સરકારે કોંગ્રેસના રાષ્ટ્રીય મહાસચિવ અને પૂર્વ મુખ્યમંત્રી ભૂપેશ બઘેલના ઘરે સીબીઆઈ મોકલી છે. સીબીઆઈ રાયપુર અને ભિલાઈ બંને પહોંચી ગઈ છે.
EDએ 10 માર્ચે પાડ્યા હતા દરોડા
અગાઉ, 10 માર્ચે, એન્ફોર્સમેન્ટ ડિરેક્ટોરેટે આ જ કેસના સંબંધમાં દુર્ગ જિલ્લામાં 14 સ્થળોએ દરોડા પાડ્યા હતા, જેમાં ભૂપેશ બઘેલ અને તેના પુત્ર ચૈતન્ય બઘેલના નિવાસસ્થાનનો પણ સમાવેશ થાય છે. પ્રિવેન્શન ઓફ મની લોન્ડરિંગ એક્ટની જોગવાઈઓ હેઠળ કાર્યવાહી કરતા, EDએ ચૈતન્ય બઘેલના નજીકના સહયોગી હોવાનું કહેવાય છે એવા લક્ષ્મી નારાયણ બંસલ ઉર્ફે પપ્પુ બંસલ સાથે સંકળાયેલા સ્થળોની પણ તપાસ કરી હતી.