ધોનીએ (Dhoni) 2004માં આંતરરાષ્ટ્રીય ક્રિકેટમાં પદાર્પણ કર્યું હતું અને ત્યારથી લઈને સતત 20 વર્ષ કરતા વધુ સમયથી વિશ્વભરમાં સતત ક્રિકેટ રમી રહ્યો છે. પરંતુ આ પહેલીવાર છે જ્યારે તેના માતા-પિતા તેને રમતો જોવા સ્ટેડિયમમાં હાજર છે.
15 ઓગસ્ટ 2020ની જેમ 5 એપ્રિલ 2025ની તારીખ પણ ભારતીય ક્રિકેટ ચાહકોના હૃદય અને દિમાગમાં કાયમ માટે જડાઈ જશે? લગભગ 5 વર્ષ પહેલા 15 ઓગસ્ટના રોજ જ્યારે ધોનીએ (Dhoni) સાંજે 7.29 વાગ્યે આંતરરાષ્ટ્રીય ક્રિકેટમાંથી નિવૃત્તિની જાહેરાત કરી ત્યારે ભારતીય ચાહકો આઘાત પામી ગયા હતા.
પરંતુ શું હવે ધોની (Dhoni) 5મી એપ્રિલ 2025ના રોજ IPLમાંથી પણ નિવૃત્તિ લેશે? IPL 2025ની વચ્ચે અચાનક જ આ ડર ધોનીના ચાહકોને સતાવવા લાગ્યો છે કારણ કે લગભગ 20 વર્ષની તેની કારકિર્દીમાં પહેલીવાર ધોનીના માતા-પિતા તેને રમતા જોવા સ્ટેડિયમ પહોંચ્યા છે.
આંતરરાષ્ટ્રીય ક્રિકેટમાંથી નિવૃત્તિ લીધા બાદ ધોની (Dhoni) છેલ્લા 5 વર્ષથી માત્ર IPL જ રમી રહ્યો છે. પરંતુ આ દરમિયાન વારંવાર પ્રશ્ન ઉઠતા હતા કે શું તે IPLમાંથી પણ નિવૃત્તિ લેવા જઈ રહ્યો છે. છેલ્લી બે સિઝનમાં આ પ્રશ્નો વધુ ઉગ્ર બન્યા હતા. ખાસ કરીને IPL 2023માં તેની કપ્તાનીમાં ટીમ ચેમ્પિયન બની ત્યારે એવું માનવામાં આવતું હતું કે ધોની (Dhoni) સંન્યાસ લઈ શકે છે. પરંતુ ચેન્નાઈની ટીમ અને પ્રશંસકોની ખાતર ધોનીએ પુનરાગમન કર્યું અને છેલ્લી સિઝનમાં પણ રમ્યો. પરંતુ આ સમયગાળા દરમિયાન તેના માતા-પિતા તેને જોવા માટે એક વખત પણ સ્ટેડિયમમાં આવ્યા ન હતા.
ચેપોક સ્ટેડિયમ પહોંચ્યા ધોનીના (Dhoni) માતા-પિતા
IPL 2025ની ચોથી મેચમાં ચેન્નાઈ સુપર કિંગ્સની મેચ જોવા ધોનીના માતા-પિતાના અચાનક આગમનના સમાચારથી ચાહકોમાં હલચલ અને બેચેની વધી ગઈ છે કે શું ધોની સંન્યાસ લેવા જઈ રહ્યો છે? શનિવાર 5 એપ્રિલે ચેપોક સ્ટેડિયમમાં દિલ્હી કેપિટલ્સ સામેની મેચ શરૂ થાય તે પહેલા એક શો દરમિયાન જિયો-હોટસ્ટારના એન્કરે ખુલાસો કર્યો કે ધોનીના માતાપિતા મેચ જોવા આવ્યા છે અને તરત જ આ સમાચાર દાવાનળની જેમ ફેલાઈ ગયા. જાહેરાત થયાના થોડા સમય પછી જ્યારે તેમને ટીવી સ્ક્રીન પર જોયા ત્યારે ધોનીના ચાહકોમાં ડર વધી ગયો કે શું તેઓ ક્રિકેટના મેદાનમાં તેમના પ્રિય ખેલાડીને છેલ્લી વાર જોઈ રહ્યા છે?
Home sweet Anbuden ft. The Dhonis! 🏠🏟️#CSKvDC #WhistlePodu #Yellove 🦁💛 pic.twitter.com/Bj1rnt1nCw
— Chennai Super Kings (@ChennaiIPL) April 5, 2025
ધોનીએક પણ મેચ તેના માતા-પિતાએ છેલ્લા 20 વર્ષમાં સ્ટેડિયમમાં નથી જોઈ
ધોનીએ 2004માં આંતરરાષ્ટ્રીય ક્રિકેટમાં પદાર્પણ કર્યું અને પોતાની વિસ્ફોટક બેટિંગના પ્રતાપે ક્રિકેટની દુનિયામાં સુપરસ્ટાર બની ગયો હતો. ત્યારબાદ 2007માં પહેલીવાર કેપ્ટન બન્યા બાદ તેણે ભારતીય ટીમ માટે T20 વર્લ્ડ કપ જીતીને હલચલ મચાવી દીધી હતી અને ધોનીનું સ્ટારડમ ચરમસીમાએ પહોંચ્યું હતું. પરંતુ આ સમય દરમિયાન પણ ધોનીના પિતા પાન સિંહ અને માતા દેવકી દેવી તેને જોવા દુનિયાના કોઈપણ સ્ટેડિયમમાં ગયા નથી.
ચેન્નાઈ સુપર કિંગ્સે તેને 2008માં આઈપીએલમાં ખરીદ્યો અને ત્યારથી તેણે ટીમને 5 વખત ચેમ્પિયન બનાવી ત્યારથી ધોનીને ચેન્નાઈના ચાહકો તરફથી સૌથી વધુ પ્રેમ અને સ્નેહ મળ્યો. આ સમયગાળા દરમિયાન પણ તેના માતા-પિતા ક્યારેય કોઈ મેચ જોવા આવ્યા નથી. પરંતુ હવે તેમનું આ રીતે અચાનક સ્ટેડિયમમાં આવવું એ અનુમાન કરવા માટે પૂરતું છે કે આ ધોનીની છેલ્લી મેચ હોઈ શકે છે. ધોની હજુ પણ IPLનો સૌથી સફળ કેપ્ટન છે અને કદાચ તેની નિવૃત્તિ પછી પણ આ રેકોર્ડ કાયમ અકબંધ રહેશે.