પાકિસ્તાનના (Pakistan) કબજાવાળા કાશ્મીર (PoK)માં વિરોધ પ્રદર્શન (Protest) દરમિયાન 32 નાગરિકોના મોત અને અનેક લોકો ઈજાગ્રસ્ત થવાના અહેવાલો સામે આવ્યા બાદ ભારતે પાકિસ્તાનની (Pakistan) કડક ટીકા કરી છે. ભારતના વિદેશ મંત્રાલયે (MEA) આ સમગ્ર ઘટનાક્રમ પર ગંભીર ચિંતા વ્યક્ત કરતાં કહ્યું છે કે પાકિસ્તાન (Pakistan) પોતાના માનવાધિકાર ઉલ્લંઘનો (Human Right Violation) પરથી ધ્યાન હટાવવા માટે ભ્રામક માહિતી ફેલાવવાનો પ્રયાસ કરી રહ્યું છે.
વિદેશ મંત્રાલયના (MEA) પ્રવક્તા (spokesperson) રણધીર જયસવાલે (Randhir Jaiswal) જણાવ્યું કે ભારત આ ઘટનાક્રમ પર નજીકથી નજર રાખી રહ્યું છે. તેમણે આરોપ લગાવ્યો કે પાકિસ્તાન (Pakistan) સતત ખોટા સમાચાર (Fake News) અને ભ્રામક વિડિયો (Fake Video) પ્રસારિત કરીને પોતાની આંતરિક નિષ્ફળતાઓને છુપાવવાનો પ્રયાસ કરી રહ્યું છે.
Delhi: MEA official spokesperson Randhir Jaiswal says, ''As also other related issues, we continue to see in this context a pattern of fake news and videos emanating from Pakistan. It is a desperate attempt by Pakistan to cover up its own failings and deflect attention away from… pic.twitter.com/Z8bIeNgDPf
— IANS (@ians_india) June 9, 2026
તેમણે વધુમાં કહ્યું કે પીઓકેમાં (PoK) પોલીસ (Police) દ્વારા બળપ્રયોગ અને વિરોધ પ્રદર્શનો (Protest) દરમિયાન અનેક લોકોના મોત તથા ઘણા લોકો ઘાયલ થયાના અહેવાલો મળ્યા છે. ભારતે આંતરરાષ્ટ્રીય સમુદાયને આ મામલે પાકિસ્તાનને (Pakistan) જવાબદાર ઠેરવવાની અપીલ પણ કરી છે.
પીઓકેમાં (PoK) વધતી અશાંતિ
પાકિસ્તાનના કબજાવાળા કાશ્મીરમાં (PoK) છેલ્લા કેટલાક સમયથી સ્થાનિક લોકો દ્વારા શહબાઝ શરીફ (Shehbaz Sharif) સરકાર અને ત્યાંની સ્થાનિક વહીવટી વ્યવસ્થા સામે વિરોધ પ્રદર્શન કરવામાં આવી રહ્યા છે. સ્થાનિક લોકો મોંઘવારી, વીજળીના વધતા દરો અને અન્ય મૂળભૂત સુવિધાઓને લઈને અસંતોષ વ્યક્ત કરી રહ્યા હોવાનું જણાવવામાં આવે છે.
પરિસ્થિતિ વધુ તંગ ત્યારે બની જ્યારે વહીવટીતંત્રે જમ્મુ-કાશ્મીર સંયુક્ત અવામી એક્શન કમિટી (JAAC) સાથે જોડાયેલા કાર્યકરો સામે કાર્યવાહી શરૂ કરી. અહેવાલો મુજબ, પાકિસ્તાન (Pakistan) સરકાર દ્વારા JAACને પ્રતિબંધિત સંગઠન જાહેર કરવામાં આવ્યું છે.
ઈન્ટરનેટ સેવા પણ બંધ કરાઈ હોવાનો આરોપ
આંદોલન સાથે જોડાયેલા નેતાઓનો આરોપ છે કે 9 જૂને યોજાનારા ‘લૉંગ માર્ચ’ (Long March) પહેલાં 5 જૂનની રાત્રિથી સમગ્ર પીઓકે (PoK) વિસ્તારમાં ઈન્ટરનેટ સેવાઓ (Internet Service) બંધ કરી દેવામાં આવી હતી. તેમના જણાવ્યા મુજબ, આ પગલાના કારણે સંચાર વ્યવસ્થા ગંભીર રીતે પ્રભાવિત થઈ હતી અને વિરોધ પ્રદર્શનોને દબાવવાનો પ્રયાસ કરવામાં આવ્યો હતો.
પૂર્વ ડીજીપીની પ્રતિક્રિયા
જમ્મુ-કાશ્મીરના (Jammu Kashmir) પૂર્વ પોલીસ મહાનિર્દેશક (DGP) એસ.પી. વૈદ્યએ મીડિયા સાથેની વાતચીતમાં પીઓકેની (PoK) સ્થિતિને અત્યંત ગંભીર ગણાવી હતી. તેમણે આરોપ લગાવ્યો કે નિઃશસ્ત્ર નાગરિકો સામે બળપ્રયોગ કરવામાં આવ્યો છે અને સામાન્ય લોકોની મૂળભૂત માંગણીઓ પ્રત્યે સંવેદનશીલતા દાખવવાને બદલે કડક કાર્યવાહી કરવામાં આવી રહી છે.
માનવાધિકાર મુદ્દે ઉઠ્યા સવાલ
આ સમગ્ર ઘટનાક્રમ બાદ પીઓકેમાં (PoK) માનવાધિકારોની (Human Right) સ્થિતિ અને વિરોધ પ્રદર્શનો (Protest) પ્રત્યે પાકિસ્તાન (Pakistan) સરકારના વલણ અંગે ફરીથી પ્રશ્નો ઊભા થયા છે. જોકે, આ મામલે પાકિસ્તાન સરકાર (Government of Pakistan) અથવા સંબંધિત સત્તાવાળાઓ તરફથી સત્તાવાર અને સ્વતંત્ર રીતે ચકાસાયેલ વિગતો હજી સુધી વ્યાપક રીતે ઉપલબ્ધ નથી.
પરિસ્થિતિને લઈને આંતરરાષ્ટ્રીય સ્તરે પણ ચિંતા વ્યક્ત કરવામાં આવી રહી છે અને આગામી દિવસોમાં આ મુદ્દે વધુ રાજદ્વારી અને રાજકીય પ્રતિક્રિયાઓ સામે આવી શકે છે.