સુપ્રીમ કોર્ટે (Supreme Court) વિનેશ ફોગાટની (Vinesh Phogat) અરજી પર સવાલ ઉઠાવતાં કહ્યું કે 14 ડિસેમ્બર 2024ના રોજ તેમણે વિરામ લીધો, ત્યારબાદ માતા બન્યાં, ડોપિંગ ટેસ્ટમાં (Doping Test) ભાગ ન લીધો અને પોતાના નિવાસસ્થાનની જાણ પણ ન કરી.
વિનેશ ફોગાટને (Vinesh Phogat) એશિયન ગેમ્સ 2026ના ટ્રાયલમાં ભાગ લેવાની પરવાનગી મળી
ભારતની ફ્રીસ્ટાઇલ રેસ્લર (Freestyle Wrestler) વિનેશ ફોગાટને (Vinesh Phogat) 30 અને 31 મે, 2026ના રોજ યોજાનારા એશિયન ગેમ્સ 2026ના (Asian Games 2026) પસંદગી ટ્રાયલમાં ભાગ લેવાની પરવાનગી મળી ગઈ છે. સુપ્રીમ કોર્ટે (Supreme Court) દિલ્હી હાઈકોર્ટના (Delhi High Court) આદેશને યથાવત રાખ્યો છે તેમજ રેસ્લિંગ ફેડરેશન ઓફ ઈન્ડિયા (WFI)ની અરજી પર નોટિસ ફટકારી છે. હવે આ મામલાની આગળની સુનાવણી 1 જૂને થશે. જોકે, કોર્ટે વિનેશ ફોગાટની (Vinesh Phogat) માગ અંગે અનેક સવાલ પણ ઉઠાવ્યા છે. કોર્ટે કહ્યું, “વિનેશ ફોગાટ (Vinesh Phogat) કોઈ સામાન્ય ખેલાડી નથી, તેમણે અનેક સિદ્ધિઓ હાંસલ કરી છે, પરંતુ દેશ સૌથી પહેલો છે.”
ટ્રાયલ પર રોક ન લગાવી, પણ સવાલ ઉઠાવ્યા
સુપ્રીમ કોર્ટે (Supreme Court) વિનેશ ફોગાટને (Vinesh Phogat) ટ્રાયલમાં ભાગ લેવાની અનુમતિ આપતાં કહ્યું, “ટ્રાયલ કાલે જ છે, તેથી અમે તમને રોકવા માગતા નથી. જોકે, હાઈકોર્ટના (High Court) આદેશ અંગે અમારી પાસે ઘણા સવાલ છે, જેના જવાબ તમારે આપવા પડશે.”
ઉલ્લેખનીય છે કે દિલ્હી હાઈકોર્ટે (Delhi High Court) વિનેશ ફોગાટને (Vinesh Phogat) એશિયન ગેમ્સ 2026ના (Asian Games 2026) સિલેક્શન ટ્રાયલમાં (Selection Trial) ભાગ લેવાની મંજૂરી આપ્યા બાદ WFIએ આ નિર્ણયને સુપ્રીમ કોર્ટમાં (Supreme Court) પડકાર્યો હતો. શુક્રવાર, 29 મે 2026ના રોજ WFIની અરજી પર સુનાવણી કરતાં સુપ્રીમ કોર્ટે (Supreme Court) વિનેશ ફોગાટને (Vinesh Phogat) કહ્યું, “તમે સામાન્ય ખેલાડી નથી, પરંતુ અમારી સામે અમુક સવાલ છે.”
“માત્ર ટ્રાયલમાં ભાગ લેવા દો” – વકીલની રજૂઆત
વિનેશ ફોગાટના વકીલે સુપ્રીમ કોર્ટ સમક્ષ રજૂઆત કરતાં કહ્યું, “અમે ફક્ત ટ્રાયલમાં ભાગ લેવાની માગ કરી રહ્યા છીએ. એક વર્ષ પહેલાં માતા બનેલી એક મહિલા કોર્ટ પાસે ફક્ત ટ્રાયલમાં ભાગ લેવાની તક માગી રહી છે.” પરંતુ સુપ્રીમ કોર્ટે આ અરજી પર સ્પષ્ટ સવાલ ઉઠાવ્યા. કોર્ટે કહ્યું, “14 ડિસેમ્બર 2024ના રોજ તમે વિરામ પર ગયા, ત્યારબાદ માતા બન્યાં, ડોપિંગ ટેસ્ટમાં ભાગ ન લીધો અને તમે ક્યાં છો તેની જાણ પણ ન કરી.” ન્યાયાધીશે ઉમેર્યું, “તમે પછીથી જણાવ્યું કે વિધાનસભાની કાર્યવાહીમાં વ્યસ્ત હતાં, પરંતુ આ સ્પષ્ટીકરણ સ્વીકારાયું ન હતું.”
ફેડરેશનના નિયમો અને ભારતીય રમત-જગત
સુપ્રીમ કોર્ટે (Supreme Court) આગળ ટકોર કરી, “ફેબ્રુઆરી 2026માં એશિયન ગેમ્સ (Asian Games) સંબંધિત પ્રક્રિયા શરૂ થઈ ગઈ હતી. તેના માટે ચાર સ્પર્ધામાં ભાગ લેવો ફરજિયાત હતો, જે તમે ન લીધો. ત્યારબાદ મેમાં સક્રિય થઈ અરજી દાખલ કરી.” ન્યાયાધીશે ભારપૂર્વક કહ્યું, “આપણે ધ્યાન રાખવું પડશે કે ભારતીય ખેલ, વૈશ્વિક ખેલ સાથે સંકળાયેલ છે. હાઈકોર્ટે ફેડરેશનના નિયમોને ‘exclusionary’ ગણાવ્યા, એ વિચિત્ર હતું. આ નિયમો ઘણા સમયથી અમલમાં છે અને દરેક ખેલાડી માટે સમાન છે. તમે રમતમાં ઘણી સિદ્ધિઓ હાંસલ કરી છે, પરંતુ દેશ સૌથી પહેલો છે.”
रेसलर विनेश फोगाट को मिली सुप्रीम कोर्ट से राहत, एशियन गेम्स के लिए ट्रायल दे सकेंगी विनेश फोगाट
— News Nation (@NewsNationTV) May 29, 2026
Visit https://t.co/iu10vmpTKi#VineshPhogat #AsianGames #SupremeCourt #AsianGamesTrial #NewsNation | @himaninaithani pic.twitter.com/0Kwnc7vt7e