સંસદના (Parliament) ઉપલા ગૃહ (Upper House) એટલે કે રાજ્યસભાની (Rajya Sabha) 26 બેઠકો પર યોજાયેલી ચૂંટણીના પરિણામો બાદ સત્તાધારી એનડીએ (NDA) ની તાકાતમાં મોટો વધારો થયો છે. આ ચૂંટણીમાં એનડીએને (NDA) કુલ 19 બેઠકો પર ભવ્ય વિજય મેળવ્યો છે, જેની સાથે જ ગૃહમાં તેનો કુલ આંકડો 150 પર પહોંચી ગયો છે. દેશના સંસદીય ઈતિહાસમાં આ પ્રથમ વખત છે જ્યારે એનડીએ (NDA) રાજ્યસભામાં (Rajya Sabha) 150 બેઠકોના આંકડા સુધી પહોંચ્યું છે અને હવે તે બે-તૃતીયાંશ (2/3) બહુમતીથી માત્ર થોડા જ કદમ દૂર છે.
રાજ્યસભામાં (Rajya Sabha) બે-તૃતીયાંશ બહુમતી માટે હવે કેટલા સાંસદોની જરૂર?
રાજ્યસભાની (Rajya Sabha) આ ચૂંટણી પહેલા એનડીએ (NDA) પાસે કુલ 148 સાંસદો હતા, જે હવે વધીને 150 થઈ ગયા છે. ગૃહની એકંદર સ્થિતિ અને બહુમતીનું ગણિત સમજવા જેવું છે. રાજ્યસભાની (Rajya Sabha) કુલ બેઠકો છે 245 જેમાં બે તૃતિયાંશ બહુમતી માટે કુલ 163 બેઠકોની આવશ્યકતા છે. એનડીએ (NDA) પાસે વર્તમાનમાં 150 સાંસદો છે હવે માત્ર 13 બેઠકો ખૂટે છે.
પક્ષવાર પરિણામો અને વિપક્ષી ગઠબંધનની સ્થિતિ
તાજેતરમાં જાહેર થયેલા પરિણામોમાં એનડીએને (NDA) 19 બેઠકો મળી છે, જ્યારે કોંગ્રેસના (Congress) નેતૃત્વ હેઠળના વિપક્ષી ગઠબંધનના (INDIA Bloc) ખાતામાં 6 બેઠકો ગઈ છે. આ સિવાય એક બેઠક મિઝોરમની (Mizoram) પ્રાદેશિક પાર્ટી ‘જોરમ પીપલ્સ મુવમેન્ટ’ (ZPM) ના ફાળે ગઈ છે, જેના ઉમેદવાર કે. લાલતલુઆંગકિમા પ્રથમ વખત રાજ્યસભામાં (Rajya Sabha) પહોંચ્યા છે. ઉલ્લેખનીય છે કે, 11 જૂનના રોજ 24 બેઠકો પર બિનહરીફ (સર્વસંમતિથી) સાંસદો ચૂંટાયા હતા, જેમાં 19 એનડીએ (NDA) અને 5 વિપક્ષના (Opposition) હતા. બાકીની બેઠકો પર બાદમાં ચૂંટણી થઈ હતી.
ઝારખંડમાં ક્રોસ વોટિંગથી ‘INDIA’ બ્લોકમાં ભડકો
ઝારખંડની (Jharkhand) બેઠક પર ભાજપ (BJP) સમર્થિત ઉમેદવાર પરિમલ નથવાણીની (Parimal Nathwani) જીતે વિપક્ષી ગઠબંધનની (INDIA Bloc) રણનીતિ પર મોટા સવાલો ઉભા કર્યા છે. અહીં વિપક્ષી ધારાસભ્યોમાં (MLS) થયેલા ક્રોસ વોટિંગને (Cross Voting) કારણે નથવાણી વિજેતા બન્યા છે, જેના લીધે કોંગ્રેસ (Congress) અને આરજેડી (RJD) વચ્ચે વિવાદ વકર્યો છે.
કોંગ્રેસનો (Congress) આરોપ છે કે તેમના ઉમેદવાર પ્રણવ ઝાને આરજેડી (RJD) અને સીપીઆઈ-એમએલ (CPI-ML) ના 6 ધારાસભ્યોના મત મળ્યા નથી, જેના કારણે તેમની હાર થઈ છે. કોંગ્રેસના (Congress) આરોપોનો પ્રત્યુત્તર આપતા આ પક્ષોએ જણાવ્યું છે કે, કોંગ્રેસે (Congress) બીજા પર આક્ષેપ કરવાને બદલે પોતાના પક્ષની અંદર આત્મમંથન કરવું જોઈએ.
ઝારખંડમાં (Jharkhand) વિપક્ષ બંને બેઠકો પર પોતાની જીત પાકી માનીને ચાલતો હતો, પરંતુ અતિ-આત્મવિશ્વાસ અને આંતરિક વિખવાદને કારણે ભાજપે (BJP) બાજી મારી લીધી છે. રાજ્યસભામાં (Rajya Sabha) એનડીએ (NDA) બે-તૃતીયાંશ બહુમતીની અત્યંત નજીક પહોંચી જતાં, હવે આગામી સમયમાં મોદી સરકાર (Modi Sarkar) માટે ગૃહમાં કોઈપણ બંધારણીય સુધારા કે મોટા બિલ પસાર કરાવવા વધુ સરળ બની જશે.
Rajya Sabha Election Results: NDA 19 सीटों पर विजयी | झारखंड में पलटा पूरा खेल | NDA vs INDIA | #tv7bharat #RajyaSabhaElection #NDA #IndiaAlliance #Jharkhand #CrossVoting #BJP #Congress #PoliticalNews #ElectionResults #ParimalNathwani #Politics #latestnews pic.twitter.com/E64BUFjQdT
— TV7 Bharat (@Tv7Bharat) June 19, 2026