બંગાળમાં (Bengal) ભાજપે (BJP) ટીએમસી (TMC) સાંસદ અભિષેક બેનર્જી (Abhishek Banerjee) સાથે જોડાયેલી 43 મિલકતોની યાદી જાહેર કરી હતી. જોકે, ટીએમસીએ (TMC) આ આરોપોને નકારી કાઢ્યા છે, બીજી તરફ સરકાર તપાસ કરવાની તૈયારી કરી રહી છે.
પશ્ચિમ બંગાળમાં (West Bengal) નવો વિવાદ
પશ્ચિમ બંગાળના (West Bengal) રાજકારણમાં એક નવો વિવાદ ઉભો થયો છે. બંગાળ ભાજપે (BJP Bengal) તૃણમૂલ કોંગ્રેસના (TMC) સાંસદ અભિષેક બેનર્જી (Abhishek Banerjee) સાથે કથિત રીતે જોડાયેલી 43 મિલકતોની યાદી જાહેર કરીને એવો દાવો કર્યો છે કે આમાંની ઘણી મિલકતો તેમના પરિવાર અને નજીકના સાથીઓ સાથે સંયુક્ત રીતે ખરીદવામાં આવી હતી. આ મામલાએ રાજ્યના રાજકારણમાં આરોપ-પ્રત્યારોપોનો દોર શરૂ થયો છે.
આ ઘટના એવા સમયે બની છે જ્યારે કોલકાતા મ્યુનિસિપલ કોર્પોરેશન (KMC) એ અભિષેક બેનર્જી સાથે સંકડાયેલા ગણાતા 17 સરનામાંઓ પર નોટિસ ફટકારી છે. આ નોટિસોમાં કથિત ગેરકાયદેસર બાંધકામ અને મકાન મંજૂરીના દસ્તાવેજો વિશે માહિતી માંગવામાં આવી છે. આ મિલકતોમાં હરીશ મુખર્જી રોડ પર શાંતિનિકેતન (Shanti Niketan) નામની ઇમારતનો સમાવેશ થાય છે, જે બંગાળમાં (Bengal) અભિષેક બેનર્જીનું (Abhishek Banerjee) નિવાસસ્થાન હોવાનું માનવામાં આવે છે. KMC એ લિફ્ટ અને અન્ય બાંધકામ અંગેની વિગતો પણ માંગી છે અને સાત દિવસમાં કથિત અનિયમિતતાઓને દૂર કરવાનો નિર્દેશ આપ્યો છે.
ટીએમસી અંગે બંગાળ ભાજપનો દાવો
સૂત્રોના જણાવ્યા અનુસાર, બંગાળ સરકાર (Govt of West Bengal) હવે આ મિલકતોના સાચા માલિકો, ખરીદીમાં વપરાયેલા ભંડોળના સ્ત્રોત અને કોઈપણ સંભવિત ગેરરીતિઓની તપાસ કરે તેવી અપેક્ષા છે. રાજ્યના મુખ્યમંત્રી સુવેન્દુ અધિકારીએ (Suvendu Adhikari) આ મુદ્દા પર આકરા પ્રહારો કરતા કહ્યું કે ભ્રષ્ટાચારમાં સંડોવાયેલા લોકોને જેલમાં ધકેલી દેવામાં આવશે.
તેમણે દાવો કર્યો હતો કે ઘણી મિલકતો “લીપ્સ એન્ડ બાઉન્ડ્સ” (Leaps and Bounds) નામની કંપની દ્વારા ખરીદવામાં આવી છે. અધિકારીએ આરોપ લગાવ્યો હતો કે કેટલીક મિલકતો સીધી અભિષેક બેનર્જી (Abhishek Banerjee) અને તેમના પરિવારના નામે નોંધાયેલી છે.
ટીએમસીએ આરોપોને રાજકીય ગણાવી નકાર્યા
તૃણમૂલ કોંગ્રેસે (TMC) ભાજપ (BJP) દ્વારા જાહેર કરાયેલી યાદીને નકલી અને રાજકીય પ્રોપેગેન્ડા ગણાવી છે. પાર્ટીના નેતાઓનું કહેવું છે કે ફક્ત સમાન નામોના આધારે લોકોને એક સાથે જોડવાનો પ્રયાસ કરવામાં આવી રહ્યો છે. ટીએમસીના (TMC) ભૂતપૂર્વ રાજ્યસભા સાંસદ (Rajya Sabha MP) સાકેત ગોખલેએ (Saket Gokhale) જણાવ્યું હતું કે આ યાદી ગેરમાર્ગે દોરનારી છે અને કોઈપણ નિષ્કર્ષ કાઢતા પહેલા હકીકતોની ચકાસણી કરવી મહત્વપૂર્ણ છે. પાર્ટીએ એમ પણ કહ્યું હતું કે કોઈપણ વ્યક્તિ સ્વતંત્ર રીતે ઉલ્લેખિત સરનામાં અને નંબરો ચકાસી શકે છે.
સાયોની ઘોષનું નામ આવતાં આવ્યો નવો વળાંક
આ યાદીમાં સાયોની ઘોષ (Saayoni Ghosh) નામની મિલકતનો ઉલ્લેખ થતાં વિવાદ વધુ વકર્યો હતો. સોશ્યલ મીડિયા (Social Media) પર ઘણા લોકોએ તેને ટીએમસી સાંસદ (TMC MP) સાયોની ઘોષ (Saayoni Ghosh) સાથે જોડવાનું શરૂ કર્યું હતું. જોકે, સાયોની ઘોષે (Saayoni Ghosh) તરત જ પ્રતિક્રિયા આપી અને કોઈપણ જોડાણનો ઇનકાર કર્યો હતો.
Just saw a few forwards that one Abhishek Banerjee & Sayani Ghosh jointly own a property namely 19 D Seven Tanks Road, Kolkata 700030 with no mobile number as a contact.
— Saayoni Ghosh (@sayani06) May 20, 2026
I can’t say who it is But It’s definitely not the Sayani Ghosh who started from a humble background with no…
સાયોની ઘોષે (Saayoni Ghosh) સોશ્યલ મીડિયા (Social Media) પર પોસ્ટ (Post) કરતા લખ્યું કે કોઈપણ પુરાવા વિના તેમને બદનામ કરવાનો પ્રયાસ કરવામાં આવી રહ્યો છે અને ખોટા સમાચાર ફેલાવનારાઓ સામે કાનૂની કાર્યવાહી કરવામાં આવશે.
અભિષેક બેનર્જીએ આપ્યો ઉત્તર
અભિષેક બેનર્જીએ (Abhishek Banerjee) પણ આ વિવાદ અંગે પોતાના તરફથી ઉત્તર આપ્યો. તેમણે કહ્યું કે રાજકીય દબાણ કે કાર્યવાહી હેઠળ તેઓ પાછા નહીં હટે. તેમણે કહ્યું કે નોટિસ મોકલવામાં આવે કે ઘર તોડી પાડવાની ધમકી આપવામાં આવે, તેમની રાજકીય લડાઈ ચાલુ રહેશે.
નિષ્ણાતોનું માનવું છે કે આ વિવાદ એવા સમયે સામે આવ્યો છે જ્યારે બંગાળનું (Bengal) રાજકારણ પહેલેથી જ ગરમ છે. ભાજપે (BJP) અગાઉની ટીએમસી (TMC) સરકાર દરમિયાન કથિત ભ્રષ્ટાચાર અને નાણાકીય અનિયમિતતાઓના મુદ્દા સતત ઉઠાવ્યા છે, જ્યારે ટીએમસી (TMC) તેને રાજકીય બદલાની કાર્યવાહી ગણાવી રહી છે.