ટ્રાફિક નિયમો (Traffic rule) તોડવાની વાત આવે ત્યારે ભારતીયો કોઈથી પાછળ નથી. ગયા વર્ષે, ભારતમાં ટ્રાફિક નિયમો (Traffic rule) તોડવા બદલ આટલા બધા દંડ ફટકારવામાં આવ્યા હતા, જે ઘણા દેશોના GDP કરતા પણ વધુ છે. નવાઈની વાત એ છે કે અત્યાર સુધી હજારો કરોડ રૂપિયાના મેમો ચૂકવવામાં આવ્યા નથી.
દેવલિપિ ન્યુઝની વોટ્સએપ ચેનલ ફોલો કરવા અહીં ક્લિક કરો
ટ્રાફિક નિયમો (Traffic rule) તોડવામાં ભારતીયો કેટલા આગળ છે આનો અંદાજ એ વાત પરથી લગાવી શકાય છે કે ગયા વર્ષે 2024માં દેશભરમાં 12,000 કરોડ રૂપિયાના ટ્રાફિક ચલણ જારી કરવામાં આવ્યા હતા. આ આંકડો ઘણા નાના દેશોના GDP કરતા પણ વધુ છે.
આનાથી પણ વધુ ચોંકાવનારી વાત એ છે કે 12,000 કરોડ રૂપિયાના દંડમાંથી માત્ર 25% જ ચૂકવવામાં આવ્યા છે, જ્યારે ટ્રાફિક નિયમોનું ઉલ્લંઘન કરનારાઓ પાસેથી 9,000 કરોડ રૂપિયા વસૂલવાના હજુ બાકી છે, જે ચૂકવવામાં આવ્યા નથી. આ વાત CARS24 ના રિપોર્ટમાં સામે આવી છે. કુલ જેટલા રુપિયાના મેમો ઈસ્યુ કરાયા છે તે કેટલાક દેશોની કુલ જીડીપી કરતા વધુ છે.
ડરથી ટ્રાફિક નિયમોનું (Traffic rule) પાલન
રિપોર્ટમાં જણાવાયું છે કે ભારતમાં રહેતા 140 કરોડ લોકોમાંથી ફક્ત 11 કરોડ લોકો પાસે વાહનો છે. આ દર્શાવે છે કે વસ્તીનો એક નાનો વર્ગ મોટી સંખ્યામાં ટ્રાફિક નિયમો (Traffic rule) તોડવા માટે જવાબદાર છે. આનાથી ટ્રાફિક શિસ્ત અને જવાબદારી અંગે ચિંતાઓ ઉભી થઈ છે. ઘણા વાહનચાલકો પોલીસકર્મી હાજર હોય ત્યારે જ ટ્રાફિક નિયમોનું (Traffic rule) પાલન કરે છે. આ દર્શાવે છે કે લોકો આદતથી નહીં પણ ડરથી ટ્રાફિક નિયમોનું (Traffic rule) પાલન કરે છે.
પોલીસના કારણે નિયમોનું પાલન
સર્વેમાં, 43.9% લોકોએ દાવો કર્યો હતો કે તેઓ પોલીસ હાજર હોય ત્યારે જ ટ્રાફિક નિયમોનું (Traffic rule) પાલન કરે છે. 31.2% લોકોએ કહ્યું કે તેઓ વાહન ચલાવતી વખતે જુએ છે જો કોઈ પોલીસ કર્મચારી કે ટ્રાફિક પોલીસકર્મી હાજર હોય, તો તેઓ યોગ્ય રીતે વાહન ચલાવે છે. જોકે, 17.6% લોકો એવા છે જે દંડથી બચવા માટે હંમેશા નિયમોનું પાલન કરે છે. આ ડેટા દર્શાવે છે કે જ્યાં સુધી ટ્રાફિક જંકશન ઉપર પોલીસ હાજર ન હોય ત્યાં સુધી ઘણા લોકો ટ્રાફિક નિયમોનું પાલન નથી કરતા.
CARS24 Releases First-Ever Challan Report https://t.co/xXap1pdhTi #CARS24
— Deccan Chronicle (@DeccanChronicle) May 19, 2025
મેમોથી બચવા લોકો રસ્તો બદલી લે છે
સર્વેમાં એ પણ જાણવા મળ્યું કે ટ્રાફિક પોલીસને જોતા લોકો કેવી પ્રતિક્રિયા આપે છે. 51.3% લોકોએ કહ્યું કે તેઓ નિયમોનું પાલન કરી રહ્યા છે કે નહીં તે જોવા માટે તેઓ તાત્કાલિક તેમની ગતિ તપાસે છે. 34.6% લોકોએ કહ્યું કે ભલે તેઓ કોઈ નિયમો ન તોડતા હોય તો પણ સહજ રીતે ધીમે વાહન ચલાવે છે. દરમિયાન, 12.9% લોકોએ કહ્યું કે પકડાઈ જવાથી બચવા માટે તેઓએ કાં તો પોતાની ડ્રાઈવિંગ સ્ટાઈલ બદલે છે અથવા પોતાનો રસ્તો જ બદલી લે છે.
ભારતમાં ટ્રાફિક નિયમોનો (Traffic rule) ભંગ કરતા લોકોને લગભગ 12000 કરોડના મેમો આપવામાં આવ્યા છે જે વિશ્વના કેટલાક દેશીની કુલ જીડીપી કરતા પણ વધારે છે. આ દેશો છે જેમનો GDP 12,000 કરોડ રૂપિયાથી ઓછો છે. આમાં વનુઆતુ, સમોઆ, ડોમિનિકા, પલાઉ અને કિરીબાતી જેવા દેશોનો સમાવેશ થાય છે.
દેવલિપિ ન્યુઝની વોટ્સએપ ચેનલ ફોલો કરવા અહીં ક્લિક કરો