સીતાપુર પોલીસે કેટલાક ગ્રામજનોને બૌદ્ધ ધર્મમાં ધર્માંતરિત (Religious Conversion) કરવાનો પ્રયાસ કરવા બદલ 26 વ્યક્તિઓ સામે FIR નોંધી છે. જમણેરી જૂથના સભ્ય દ્વારા દાખલ કરવામાં આવેલી ફરિયાદમાં શંકાસ્પદો પર ઉશ્કેરણીજનક ભાષણો આપવાનો અને બળજબરીથી ધર્માંતરણ (Religious Conversion) કરાવવા માટે હિન્દુ દેવી-દેવતાઓનું અપમાન કરવાનો આરોપ મૂકવામાં આવ્યો છે. વિગતવાર તપાસ ચાલુ છે.
ધર્માંતરણની (Religious Conversion) પ્રવૃત્તિઓમાં સામેલ થવા બદલ 26 વ્યક્તિઓ સામે FIR
ઉત્તરપ્રદેશમાં સીતાપુર પોલીસ દ્વારા શનિવારે સીતાપુરના હરગાંવ વિસ્તારમાં કથિતરૂપે ગેરકાયદેસર ધર્માંતરણની (Religious Conversion) પ્રવૃત્તિઓમાં સામેલ થવા બદલ 26 વ્યક્તિઓ સામે FIR નોંધી છે. હિન્દુ શેર સેના નામના સંગઠનના સભ્ય અનિલ કુમાર દ્વારા દાખલ કરાયેલી ફરિયાદ મુજબ, આરોપીઓ કથિત રીતે સ્થાનિક ગ્રામજનોને બૌદ્ધ ધર્મ અપનાવવા માટે પ્રયાસ કરી રહ્યા હતા.
सीतापुर
— हिन्दी ख़बर | Hindi Khabar 🇮🇳 (@HindiKhabar) March 22, 2025
⏩ सीतापुर में धर्मांतरण का मामला गर्माया
⏩ धर्मांतरण के आरोप में 26 लोगों पर हुई एफआईआर
⏩ मौके पर पहुंचे हिन्दू संगठनों ने दर्ज कराया विरोध
⏩ हिन्दू शेर सेना की तरफ से पुलिस में की गई शिकायत
⏩ हिंदुओं का ब्रेन वाश कर बौद्ध धर्म अपनाए जाने की दे रहे थे सलाह
⏩… pic.twitter.com/mX43uFUthi
ફરિયાદના આધાર ઉપર પોલીસની ટીમ સ્થળ પર મોકલવામાં આવી હતી, જ્યાં તેમને આરોપોને સમર્થન આપતા પ્રારંભિક પુરાવા મળ્યા હતા. અધિકારીઓએ જણાવ્યું હતું કે વિગતવાર તપાસ ચાલી રહી છે, અને ઉપલબ્ધ પુરાવાના આધારે કાયદેસરની કાર્યવાહી કરવામાં આવશે.
ફરિયાદમાં કથિત ધર્માંતરણના (Religious Conversion) પ્રયાસમાં મુખ્ય વ્યક્તિ તરીકે હરદોઈ જિલ્લાના શંકરપુરના રહેવાસી રમા ભારતીનું નામ છે. ફરિયાદમાં સંકલ્પિત સમિતિ નામની સંસ્થાના સભ્યોનો પણ ઉલ્લેખ છે, જેમાં તેના પ્રમુખ રામજીવન, રંગીલાલ, મુકેશ કુમાર, ડિરેક્ટર શંભુ ગૌતમ અને ઉપપ્રમુખ રાજેશ ગૌતમ, ભીમ આર્મીના તાલુકા કન્વીનર અશ્વની શર્મા અને અન્ય કેટલાક લોકોનો સમાવેશ થાય છે.
ઉશ્કેરણીજનક ભાષણો અને હિન્દુ દેવી-દેવતાઓ અને મંદિરોનું અપમાન કરવાનો આરોપ
તેમના પર લોકો ધર્માંતરણ (Religious Conversion) માટે તૈયાર થાય તે માટે ઉશ્કેરણીજનક ભાષણો આપવાનો અને હિન્દુ દેવી-દેવતાઓ અને મંદિરોનું અપમાન કરવાનો આરોપ છે. પોલીસે જણાવ્યું હતું કે આ જૂથે કથિત રીતે જનરલ, અનુસૂચિત જાતિ અને અનુસૂચિત જનજાતિ સમુદાયોના લોકોને ગેરમાર્ગે દોર્યા અને ડરાવ્યા હતા, તેમને બૌદ્ધ ધર્મ અપનાવવા દબાણ કર્યું હતું.
ફરિયાદીઓએ અધિકારીઓને ધાર્મિક વૈમનસ્ય અટકાવવા અને ગામમાં શાંતિ જાળવવા માટે આરોપીઓ સામે સંબંધિત કલમો હેઠળ કડક કાનૂની કેસ નોંધવા વિનંતી કરી છે.
સર્કલ ઓફિસર (સદર) સતીશ ચંદ્ર શુક્લાએ જણાવ્યું હતું કે એફઆઈઆર નોંધવામાં આવી છે, અને વધુ તપાસ ચાલુ છે. શુક્લાએ જણાવ્યું હતું કે, “અમે હાલમાં આરોપોની સત્યતા ચકાસી રહ્યા છીએ, અને તારણોના આધારે કાનૂની કાર્યવાહી કરવામાં આવશે.”
આ કેસથી ધાર્મિક સ્વતંત્રતા અને ધર્માંતરણ કાયદાઓ પર ચર્ચા શરૂ થઈ ગઈ છે.