Champions Trophy 2025: પાકિસ્તાને કર્યું ભારતનું અપમાન, ક્રિકેટની આબરુને લગાવ્યો બટ્ટો

ચેમ્પિયન્સ ટ્રોફી 2025 (Champions Trophy 2025) 19 ફેબ્રુઆરીથી શરૂ થવા જઈ રહી છે અને તેની શરૂઆત પહેલા જ પાકિસ્તાન ક્રિકેટ બોર્ડે કંઈક એવું કર્યું છે જે ખૂબ જ વાંધાજનક છે. PCBની આ કાર્યવાહી ભારતના રાષ્ટ્રીય ધ્વજ ત્રિરંગાને લઈને છે.

ચેમ્પિયન્સ ટ્રોફી 2025 (Champions Trophy 2025) ની શરૂઆત પહેલા પાકિસ્તાન ક્રિકેટ બોર્ડ ચોક્કસપણે કંઈક એવું કરી રહ્યું છે જેનાથી વિવાદ ઊભો થઈ રહ્યો છે. પહેલા તેના સ્ટેડિયમની લાઈટો પર સવાલ ઉઠાવવામાં આવ્યા હતા અને હવે પીસીબીએ એવી કાર્યવાહી કરી છે જે તેની હલકી અને દુશ્મનાવટભરી માનસિકતા દર્શાવે છે.

પાકિસ્તાન ક્રિકેટ બોર્ડે ચેમ્પિયન્સ ટ્રોફી 2025 (Champions Trophy 2025) પહેલા લાહોર સ્ટેડિયમમાં ભારતીય રાષ્ટ્રધ્વજ લગાવ્યો ન હતો. ચેમ્પિયન્સ ટ્રોફીમાં કુલ 8 ટીમો ભાગ લઈ રહી છે જેમાંથી 7 દેશોના ધ્વજ લાહોરના ગદ્દાફી સ્ટેડિયમમાં લગાવવામાં આવ્યા હતા પરંતુ ત્યાં ભારતનો ત્રિરંગો લગાવવામાં આવ્યો નહોતો. સોશિયલ મીડિયા પર એક વીડિયો વાયરલ થતા આ ઘટના બહાર આવી હતી અને વિવાદ ઊભો થયો છે.

ચેમ્પિયન્સ ટ્રોફી 2025 (Champions Trophy 2025) માં ICCના નિયમનું ઉલ્લંઘન?

નિયમ અનુસાર, ICC ટૂર્નામેન્ટની પ્રથમ મેચના સ્થળ પર સ્ટેડિયમમાં તમામ દેશોના ધ્વજ લહેરાવવામાં આવે છે, પરંતુ PCBએ આ નિયમનું પાલન કર્યું નથી. એવો દાવો કરવામાં આવી રહ્યો છે કે ભારતીય ટીમ ચેમ્પિયન્સ ટ્રોફી રમવા પાકિસ્તાન ન ગઈ હોવાથી પીસીબીએ આ નિર્ણય લીધો છે.

ભારતીય ટીમ ચેમ્પિયન્સ ટ્રોફી 2025 (Champions Trophy 2025)માં તેની તમામ મેચ દુબઈમાં રમવા જઈ રહી છે. પાકિસ્તાનમાં ભારતીય ટીમની સુરક્ષા માટે ખતરો છે અને ટીમને ત્યાં જવા માટે ભારત સરકાર તરફથી પરવાનગી મળી ન હતી, જેના કારણે BCCIએ પોતાની ટીમને પાકિસ્તાન મોકલવાનો ઇનકાર કર્યો હતો. પાકિસ્તાન આનાથી ચીડાયું છે અને શક્ય છે કે તેથી જ તેણે ત્રિરંગો નહીં લહેરાવવાનો નિર્ણય લીધો હોય.

No Indian flag in Karachi: As only the Indian team faced security issues in Pakistan and refused to play Champions Trophy matches in Pakistan, the PCB removed the Indian flag from the Karachi stadium while keeping the flags of the other guest playing nations.

– Absolute Cinema,… pic.twitter.com/2zmcATn7iQ

— Nawaz 🇵🇰 (@Rnawaz31888) February 16, 2025

પાકિસ્તાન પાસેથી છીનવાઈ શકે છે ફાઈનલ

પાકિસ્તાન ક્રિકેટ બોર્ડ હાલમાં ધ્વજની રાજનીતિ કરી રહ્યું છે પરંતુ કદાચ તે ભૂલી ગયું છે કે તેને ભવિષ્યમાં મુશ્કેલીનો સામનો કરવો પડી શકે છે. વાસ્તવમાં, જો ટીમ ઈન્ડિયા ચેમ્પિયન્સ ટ્રોફીમાં સારું પ્રદર્શન કરે છે અને ફાઈનલમાં પહોંચે છે, તો આ ટૂર્નામેન્ટની ફાઈનલ કરાચીની જગ્યાએ દુબઈમાં યોજાશે. ત્યાર બાદ પીસીબી ક્યારેય આવી ધ્વજની રાજનીતિ કરી શકશે નહીં. ઉલ્લેખનીય છે કે ભારતીય ટીમ ટૂર્નામેન્ટ જીતવાની મોટી દાવેદાર છે. ભારતીય ટીમ ચેમ્પિયન્સ ટ્રોફીની છેલ્લી બે ફાઈનલ રમી ચૂકી છે જેમાં તેણે એક જીતી હતી અને બીજી હારનો સામનો કરવો પડ્યો હતો.