અમિત શાહે (Amit Shah)ભાજપની જીત પર આમ આદમી પાર્ટીને માર્યો ટોણો…કાર્યકર્તાઓ, જેપી નડ્ડા અને વિરેન્દ્ર સચદેવાને આપ્યા અભિનંદન…

કેન્દ્રીય ગૃહમંત્રી અમિત શાહે (Amit Shah) દિલ્હી વિધાનસભા ચૂંટણીમાં મળેલી જીત પર પ્રતિક્રિયા આપતા કહ્યું કે દિલ્હીની જનતાએ જૂઠાણા, છેતરપિંડી અને ભ્રષ્ટાચારના શીશમહેલને નષ્ટ કરીને દિલ્હીને આપદા મુક્ત બનાવવાનું કામ કર્યું છે. વચન આપીને ફરી જનારાઓને દિલ્હીએ એવો પાઠ ભણાવ્યો છે, જે દેશભરમાં જનતાને ખોટા વચનો આપનારાઓ માટે એક ઉદાહરણ બની જશે.

દિલ્હીના હૃદયમાં મોદી છે

દિલ્હી વિધાનસભા ચૂંટણીમાં આમ આદમી પાર્ટીનો પરાજય થયો હતો અને ભાજપને મોટી જીત મળી હતી. દિલ્હીમાં જીત બાદ ભાજપના સમર્થકોએ ઉજવણી કરવાનું શરૂ કરી દીધું છે. કેન્દ્રીય ગૃહમંત્રી અમિત શાહે (Amit Shah) દિલ્હીમાં ભાજપની જીત પર પાર્ટી સમર્થકોને અભિનંદન પાઠવ્યા છે. તેમણે સોશ્યલ મીડિયા પ્લેટફોર્મ X પર પોસ્ટ કરીને લખ્યું કે દિલ્હીના હૃદયમાં મોદી છે.

દિલ્હીમાં વિકાસ અને આત્મવિશ્વાસના નવા યુગની શરૂઆત

કેન્દ્રીય ગૃહમંત્રી અમિત શાહે (Amit Shah) લખ્યું કે દિલ્હીની જનતાએ જૂઠ, છેતરપિંડી અને ભ્રષ્ટાચારના શીશમહેલને નષ્ટ કરીને દિલ્હીને ભ્રષ્ટાચારથી મુક્ત કરવાનું કામ કર્યું છે. વચન આપી ફરી જનારાઓને દિલ્હીએ એવો પાઠ ભણાવ્યો છે, જે દેશભરમાં જનતાને ખોટા વચનો આપનારાઓ માટે એક ઉદાહરણ બની જશે. આ દિલ્હીમાં વિકાસ અને આત્મવિશ્વાસના નવા યુગની શરૂઆત છે.

दिल्ली के दिल में मोदी…🪷

दिल्ली की जनता ने झूठ, धोखे और भ्रष्टाचार के ‘शीशमहल’ को नेस्तनाबूत कर दिल्ली को आप-दा मुक्त करने का काम किया है।

दिल्ली ने वादाखिलाफी करने वालों को ऐसा सबक सिखाया है, जो देशभर में जनता के साथ झूठे वादे करने वालों के लिए मिसाल बनेगा।

यह दिल्ली में…

— Amit Shah (@AmitShah) February 8, 2025

દિલ્હીમાં જુઠ્ઠાણાના રાજનો અંત આવ્યો: અમિત શાહ (Amit Shah)

અમિત શાહે (Amit Shah) લખ્યું કે દિલ્હીમાં જુઠ્ઠાણાના શાસનનો અંત આવ્યો છે, આ અહંકાર અને અરાજકતાની હાર છે. આ મોદીની ગેરંટી અને મોદીજીના વિકાસના વિઝનમાં દિલ્હીવાસીઓના વિશ્વાસની જીત છે. તેમણે કહ્યું કે તેઓ આ પ્રચંડ જનાદેશ માટે દિલ્હીની જનતાનો હૃદયપૂર્વક આભાર માને છે. મોદીજીના નેતૃત્વમાં ભાજપ તેના તમામ વચનો પૂરા કરવા અને દિલ્હીને વિશ્વની નંબર 1 રાજધાની બનાવવા માટે કટિબદ્ધ છે.

दिल्ली में झूठ के शासन का अंत हुआ है… यह अहंकार और अराजकता की हार है।

यह ‘मोदी की गारंटी’ और मोदी जी के विकास के विजन पर दिल्लीवासियों के विश्वास की जीत है।

इस प्रचंड जनादेश के लिए दिल्ली की जनता का दिल से आभार।

मोदी जी के नेतृत्व में भाजपा अपने सभी वादे पूरे कर दिल्ली को…

— Amit Shah (@AmitShah) February 8, 2025

દિલ્હી હવે આદર્શ રાજધાની બનશે…

અમિત શાહે (Amit Shah) લખ્યું કે દિલ્હીની જનતાએ બતાવી દીધું છે કે જનતાને વારંવાર ખોટા વચનો આપીને ગુમરાહ કરી શકાતી નથી. ગંદી યમુના, પીવાનું ગંદુ પાણી, તૂટેલા રસ્તાઓ, ઉભરાતી ગટરો અને દરેક શેરીઓમાં ખુલેલી દારૂની દુકાનોને જનતાએ તેમના મતથી જવાબ આપ્યો છે.

दिल्लीवासियों ने बता दिया कि जनता को बार-बार झूठे वादों से गुमराह नहीं किया जा सकता। जनता ने अपने वोट से गंदी यमुना, पीने का गंदा पानी, टूटी सड़कें, ओवरफ्लो होते सीवरों और हर गली में खुले शराब के ठेकों का जवाब दिया है।

दिल्ली में मिली इस भव्य जीत के लिए अपना दिन-रात एक करने वाले…

— Amit Shah (@AmitShah) February 8, 2025

તેમણે લખ્યું કે હું દિલ્હી ભાજપના તમામ કાર્યકર્તાઓ જેમણે દિલ્હીમાં આ ભવ્ય જીત માટે રાત-દિવસ કામ કર્યું, ભાજપના રાષ્ટ્રીય અધ્યક્ષ જેપી નડ્ડા અને પ્રદેશ અધ્યક્ષ વિરેન્દ્ર સચદેવાને હૃદયપૂર્વક અભિનંદન આપું છું. મહિલાઓનું સન્માન હોય, અનધિકૃત વસાહતના રહેવાસીઓનું સ્વાભિમાન હોય કે સ્વ-રોજગારની અપાર સંભાવનાઓ હોય, દિલ્હી હવે મોદીજીના નેતૃત્વમાં એક આદર્શ રાજધાની બનશે.