યુપી એટીએસે (UP ATS) જાસૂસીના આરોપસર રામપુરના રહેવાસી શહજાદની મુરાદાબાદથી ધરપકડ કરી છે, ત્યારબાદ તેની પૂછપરછ કરવામાં આવી રહી છે.
દેવલિપિ ન્યુઝની વોટ્સએપ ચેનલ ફોલો કરવા અહિં ક્લિક કરો
ઉત્તર પ્રદેશ ATS ટીમે (UP ATS) પાકિસ્તાન માટે જાસૂસી કરવાના આરોપસર રામપુરના વેપારી શહઝાદની મુરાદાબાદથી ધરપકડ કરી છે. ધરપકડ કરાયેલો વેપારી ભારત અને પાકિસ્તાન વચ્ચે કોસ્મેટિક્સ, કપડાં, મસાલાનો ગેરકાયદેસર વેપાર કરતો હતો અને એની આડમાં શહજાદ પાકિસ્તાનની ગુપ્તચર એજન્સી ISI માટે પણ કામ કરતો હતો.
યુપી એટીએસે (UP ATS) ઝડપ્યો પાકિસ્તાની જાસૂસ
ATS ઉત્તર પ્રદેશને (UP ATS) વિશ્વસનીય સૂત્રો પાસેથી માહિતી મળી હતી કે શહજાદ નામનો વ્યક્તિ ભારત-પાકિસ્તાન સરહદ પર દાણચોરીમાં સામેલ છે અને તેને પાકિસ્તાની એજન્સી ISI ના સંરક્ષણ મળેલું છે. શહજાદ પાકિસ્તાની ગુપ્તચર એજન્સી ISI માટે જાસૂસી કરે છે અને રાષ્ટ્ર વિરોધી પ્રવૃત્તિઓમાં પણ સામેલ છે. યુપી એટીએસ દ્વારા આ માહિતીની તપાસ કર્યા બાદ જાણવા મળ્યું કે શહજાદ રામપુરમાં રહે છે.
પોલીસના જણાવ્યા અનુસાર, શહજાદ છેલ્લા ઘણા વર્ષોથી પાકિસ્તાનની મુલાકાતે આવી રહ્યો છે અને સરહદ પારથી ભારત અને પાકિસ્તાન વચ્ચે કોસ્મેટિક્સ, કપડાં, મસાલા અને અન્ય વસ્તુઓની દાણચોરી કરી રહ્યો છે અને તેની આડમાં તે પાકિસ્તાની ગુપ્તચર એજન્સી ISI માટે કામ કરે છે. શહજાદના પાકિસ્તાની ગુપ્તચર એજન્સી ISI ના એજન્ટો સાથે સારા સંબંધો છે, જેમની સાથે તે સતત સંપર્કમાં રહે છે.
યુપી પોલીસના જણાવ્યા અનુસાર, શહજાદે પાકિસ્તાની ગુપ્તચર એજન્સીના એજન્ટો સાથે ભારતની સુરક્ષા સંબંધિત ગુપ્ત માહિતી પણ શેર કરી છે. આ માહિતીની પુષ્ટિ થતાં, પોલીસ સ્ટેશન – ATS, લખનૌ ખાતે FIR નં. 04/25, કલમ 148, 152 BNS નોંધવામાં આવી છે. UP એટીએસની (UP ATS) તપાસમાં એ પણ ખુલાસો થયો છે કે શહજાદ પાકિસ્તાની ગુપ્તચર એજન્સી આઈએસઆઈના નિર્દેશ પર ઘણીવાર ભારતમાં કાર્યરત તેના એજન્ટોને પૈસા પૂરા પાડતો હતો.
UP ATS Arrested Pakistani Spy: यूपी के Moradabad से पाकिस्तानी जासूस की गिरफ्तारी! | ISI | Shahzad#Lucknow #UPATS #ISISpy #ShahzadArrest #PunjabKesariTV pic.twitter.com/oQUBT8xG3v
— Punjab Kesari (@punjabkesari) May 19, 2025
શહજાદ ISI માટે કામ કરવાના હેતુથી દાણચોરીની આડમાં રામપુર અને ઉત્તર પ્રદેશના અન્ય ભાગોમાંથી લોકોને પાકિસ્તાન મોકલતો હતો. આ લોકોના વિઝા વગેરેની વ્યવસ્થા પણ પાકિસ્તાની ગુપ્તચર એજન્સીના એજન્ટો દ્વારા કરવામાં આવતી હતી. શહજાદે ભારત વિરુદ્ધ જાસૂસી કરવા માટે પાકિસ્તાની ગુપ્તચર એજન્સી ISI ના એજન્ટોને ભારતીય સિમ કાર્ડ પણ પૂરા પાડ્યા હતા.
શહજાદની પત્ની રઝિયાએ કહ્યું કે તેનો પતિ પાકિસ્તાની જાસૂસ નથી. તેણીએ કહ્યું, ‘મારો પતિ નિર્દોષ છે, તે કાપડના વ્યવસાયમાં કામ કરે છે.’ અહીં બીજા લોકો પણ આવું જ કામ કરે છે. તેઓ પાકિસ્તાન સાથે પણ વેપાર કરી રહ્યા છે.
દેવલિપિ ન્યુઝની વોટ્સએપ ચેનલ ફોલો કરવા અહિં ક્લિક કરો