દિલ્હીની કોર્ટે દિલ્હી શીખ વિરોધી રમખાણો (Anti sikh Riots) ના આરોપી સજ્જન કુમારને આજીવન કેદની સજા સંભળાવી છે. સરસ્વતી વિહાર રમખાણ કેસમાં કોર્ટે તેમને આજીવન કેદની સજા સંભળાવી છે. ઉલ્લેખનીય છે કે સજ્જન કુમારને શીખ વિરોધી રમખાણો (Anti sikh Riots) ના કેસમાં દોષિત ઠેરવવામાં આવ્યા છે. દિલ્હી કેન્ટ વિસ્તારમાં રમખાણોના કેસમાં સજ્જન કુમારને આજીવન કેદની સજા ફટકારવામાં આવી છે.
શીખો વિરુદ્ધ રમખાણો (Anti sikh Riots) કેસમાં બીજી આજીવન કારાવાસની સજા
સજ્જન કુમારને આ શીખો વિરુદ્ધ રમખાણો (Anti sikh Riots) સંબંધિત કેસમાં બીજી વખત આજીવન કેદની સજા ફટકારવામાં આવી છે. આ પહેલા તેમને દિલ્હી કેન્ટ કેસમાં આજીવન કેદની સજા ભોગવી રહ્યા છે. દિલ્હી પોલીસ અને પીડિતોએ આ કેસને રેરેસ્ટ ઓફ રેર ગણાવીને સજ્જન કુમાર સામે ફાંસીની સજાની માંગ કરી હતી.
1984 के सिख विरोधी दंगों में सज्जन कुमार को उम्रकैद, पीड़ित परिवार ने फांसी दिए जाने की मांग की
— AajTak (@aajtak) February 25, 2025
रिपोर्ट: @SrishtiOjha11#AntiSikhRiots #ATVideo #SajjanKumar pic.twitter.com/1NFt6NeAWE
ફાંસીની માંગ કરવામાં આવી હતી
દિલ્હીમાં શીખો વિરુદ્ધ રમખાણો (Anti sikh Riots) ના આરોપી સજ્જન કુમાર પર સ્થાનિક કોર્ટનો ચુકાદો આજે બપોરે જાહેર કરવામાં આવ્યો છે. આ અગાઉ, કોંગ્રેસ નેતા સજ્જન કુમાર વિરુદ્ધ રાઉઝ એવન્યુ કોર્ટની બહાર કેટલાક લોકો દ્વારા વિરોધ અને સૂત્રોચ્ચાર કરવામાં આવ્યા હતા. લોકોએ સજ્જન કુમારને ફાંસી આપવાની માંગ કરી હતી.
દિલ્હીમાં શીખો વિરુદ્ધ રમખાણો (Anti sikh Riots) ના પીડિતોએ કહ્યું કે 2015 પછી જ્યારે કોંગ્રેસની સરકાર ગઈ અને ભાજપની સરકાર આવી ત્યારે તેમને કોર્ટમાંથી મોટી રાહત મળી છે. આ કેસમાં ગુરલાદ સિંહ કાહલોન અરજદાર છે. ગુરલાદ સિંહ કાહલોને 1984ના કેસ સાથે સંબંધિત મામલામાં સુપ્રીમ કોર્ટમાં એક મહત્વપૂર્ણ અરજી દાખલ કરી હતી. તેમણે કહ્યું કે કોંગ્રેસ પાર્ટીના નેતા કમલનાથ, જગદીશ ટાઈટલર અને અન્ય આરોપીઓને આ કેસમાં વહેલી તકે સજા મળવી જોઈએ.
1984ના શીખ વિરોધી રમખાણો સંબંધિત એક કેસમાં કોર્ટ આજે બપોરે કોંગ્રેસ નેતા સજ્જન કુમાર વિરુદ્ધ પોતાનો ચુકાદો સંભળાવ્યો છે. દિલ્હીની રાઉઝ એવન્યુ કોર્ટે 12 ફેબ્રુઆરીએ કોંગ્રેસ નેતા સજ્જન કુમારને દોષિત ઠેરવ્યા હતા. આ મામલો 1 નવેમ્બર 1984ના રોજ દિલ્હીના સરસ્વતી વિહાર વિસ્તારમાં બે શીખ નાગરિકો જસવંત સિંહ અને તેમના પુત્ર તરુણદીપ સિંહની હત્યાનો છે. આ સમયગાળા દરમિયાન, શીખોનો નરસંહાર થયો અને તેમના ઘરોને આગ લગાડવામાં આવી.
આ મામલે શરૂઆતમાં પંજાબી બાગ પોલીસ સ્ટેશનમાં એફઆઈઆર નોંધવામાં આવી હતી. બાદમાં, જસ્ટિસ જીપી માથુર કમિટીની ભલામણ પર રચાયેલી વિશેષ તપાસ ટીમે કેસની તપાસ કરી અને ચાર્જશીટ દાખલ કરી હતી. સમિતિએ 114 કેસ ફરીથી ખોલવાની ભલામણ કરી હતી તેમાંથી આ કેસ એક હતો.
2021 માં ગુનાઓ સુનિશ્ચિત કરવામાં આવ્યા
16 ડિસેમ્બર, 2021 ના રોજ, કોર્ટે આરોપી સજ્જન કુમાર સામે ભારતીય દંડ સંહિતા (IPC) ની કલમ 147, 148 અને 149 હેઠળ કલમ 302, 308, 323, 395, 397, 427, 436 અને IPC સાથે કલમ 446 અંતર્ગત સજાપાત્ર અપરાધો માટે આરોપો ઘડ્યા હતા.
સજ્જન કુમારે ટોળાને ઉશ્કેર્યા
SITનો આરોપ છે કે સજ્જન કુમારે ટોળાને હુમલો કરવા માટે ઉશ્કેર્યા હતા, ત્યારબાદ ટોળાએ સરદાર જસવંત સિંહ અને સરદાર તરુણ દીપ સિંહને જીવતા સળગાવી દીધા હતા અને તેમની ઘરવખરી અને અન્ય સંપત્તિ લૂંટી લીધી હતી. આ દરમિયાન તેમનું ઘર પણ સળગાવી દેવામાં આવ્યુ હતું. આ હુમલામાં તે ઘરના ઘણા લોકો ગંભીર રીતે ઇજાગ્રસ્ત પણ થયા હતા.
પીડિત પરિવારને મદદ કરનારાઓએ ફાંસીની માંગ કરી
પીડિત પરિવારોને મદદ કરનાર લોકોએ ભારતીય અદાલતોને ઉદાહરણ બને તેવો અને યાદ રહે તેવો નિર્ણય લેવા વિનંતી કરી હતી. તેમણે ગુનેગારોને મોતની સજા મળવી જોઈએ તેવી માંગ કરી હતી. તે સમયે શીખોને ખૂબ ત્રાસ આપવામાં આવ્યો હતો. સળગતા ટાયર તેમના ગળામાં ભરાવી દેવામાં આવ્યા હતા. તેમણે કહ્યું કે લોકો નેતાઓ નહીં પણ હત્યારા કહેવા યોગ્ય છે. આજે ઘણા લોકો આ દુનિયામાં નથી તેમની આત્માને શાંતિ મળે, તેથી આ લોકોને મોતની સજા આપવામાં આવે તે જરૂરી છે. આ પાપીઓના પાપોનો ઘડો ભરાઈ ગયો છે. પહેલા આશા છોડી દીધી હતી, પણ હવે આશા જાગી છે.