પ્રાપ્ત માહિતી અનુસાર આજે વહેલી સવારે ૩:૩૦ વાગે અમદાવાદની કોવિડ ૧૯ ટ્રીટમેન્ટ આપતી એક પ્રાઇવેટ હોસ્પિટલના ICU વોર્ડમાં આગ લાગી.
આ આગમાં ICU માં કોરોનાની ટ્રીટમેન્ટ લઈ રહેલા ૮ દર્દીઓના દુઃખદ મૃત્યુ થયાં. મૃતકોમાં ૫ પુરુષ અને ૩ મહિલા હતી.
અન્ય દર્દીઓને અન્યત્ર ખસેડાયા
આ દુઃખદ ઘટના બાદ શ્રેય હોસ્પિટલમાં ટ્રીટમેન્ટ લઈ રહેલ અન્ય ૪૦ કોરોના દર્દીઓને અમદાવાદ સિવિલ હોસ્પિટલ ખાતે ખસેડાયા.
પ્રાથમિક તપાસ
પ્રાથમિક તપાસમાં સામે આવ્યું છે કે આ આગ ઇલેક્ટ્રોનિક શોર્ટ સર્કિટના કારણે લાગી છે. હજુવધુ તપાસ ચાલી રહી છે.
અમદાવાદ મ્યુનિસિપલ કમિશનર મુકેશ કુમાર ઘટનાની જાણ થતા તરત જ ઘટનાસ્થળ પર પહોંચી ગયા હતાં. એ બાદ મુખ્ય સ્વાસ્થ્ય મંત્રી જયંતિ રવિ પણ ઘટનાસ્થળે પહોંચ્યા હતાં.
પ્રધાનમંત્રીએ મૃતકો માટે આર્થિક રાહત જાહેર કરી
પ્રધાનમંત્રી નરેન્દ્ર મોદીને ઘટના વિશે જાણ થતા એમણે ત્વરિત મુખ્યમંત્રી વિજયભાઈ અને અમદાવાદના મેયર બીજલબેનને કોલ કરીને ઘટનાની પુરી જાણકારી લીધી અને સાંત્વના આપી.
સાથે PMO તરફથી જાહેરાત કરાઈ છે કે દરેક મૃતકોને ૨ લાખ રૂપિયાની આર્થિક મદદ કરાશે અને દરેક ઘાયલને ૫૦,૦૦૦ સુંધીની મદદ કરાશે.
Saddened by the tragic hospital fire in Ahmedabad. Condolences to the bereaved families. May the injured recover soon. Spoke to CM @vijayrupanibjp Ji and Mayor @ibijalpatel Ji regarding the situation. Administration is providing all possible assistance to the affected.
— Narendra Modi (@narendramodi) August 6, 2020
Ex-gratia of Rs. 2 lakh each from PMNRF would be given to the next of kin of those who have lost their lives due to the hospital fire in Ahmedabad. Rs. 50,000 each would be given to those injured due to the hospital fire.
— PMO India (@PMOIndia) August 6, 2020