ચીનથી ખતરનાક વાયરસ ભારતમાં પણ પહોંચી ગયો છે. કર્ણાટકમાં HMPVના બે કેસ મળી આવ્યા છે. ઈન્ડિયન કાઉન્સિલ ઓફ મેડિકલ રિસર્ચ (ICMR) એ બંને કેસ શોધી કાઢ્યા છે. કેન્દ્રીય સ્વાસ્થ્ય અને પરિવાર કલ્યાણ મંત્રાલયે આ માહિતી આપી છે.
બે કેસ મળ્યા HMPV ના
બેંગલુરુમાં આઠ મહિનાના બાળક અને ત્રણ મહિનાની બાળકીમાં આ વાયરસની પુષ્ટિ થઈ છે. કહેવામાં આવી રહ્યું છે કે ત્રણ મહિનાની બાળકીને સારવાર બાદ હોસ્પિટલમાંથી રજા આપવામાં આવી છે, જ્યારે 8 મહિનાના બાળકની સારવાર હજુ પણ ચાલી રહી છે. બંનેને તાવ આવતા હોસ્પિટલમાં દાખલ કરવામાં આવ્યા હતા. ICMRએ કહ્યું છે કે કેન્દ્ર સરકાર સ્થિતિ પર નજર રાખી રહી છે. ICMRએ કહ્યું કે તે કોઈપણ પરિસ્થિતિનો સામનો કરવા માટે તૈયાર છે.
The Indian Council of Medical Research (ICMR) has detected two cases of Human Metapneumovirus (HMPV) in Karnataka. Both cases were identified through routine surveillance for multiple respiratory viral pathogens, as part of ICMR's ongoing efforts to monitor respiratory illnesses… pic.twitter.com/PtKYmgztKb
— ANI (@ANI) January 6, 2025
ચીનમાં ઝડપથી ફેલાઈ રહ્યો છે વાયરસ
ચીનમાં HMPV વાયરસ ખૂબ જ ઝડપથી ફેલાઈ રહ્યો છે. તેના પ્રકોપને જોતા ચીનના ઘણા રાજ્યોમાં ઈમરજન્સી જાહેર કરવામાં આવી છે. ચીનના ઘણા વિસ્તારોમાં સ્થિતિ વણસી ગઈ છે. ચીનમાં ફરી એકવાર માસ્કનો યુગ પાછો ફર્યો છે. હજારો લોકો આ વાયરસની ઝપટમાં આવ્યા છે. વૃદ્ધો અને બાળકોમાં ચેપ ઝડપથી ફેલાઈ રહ્યો છે. હોસ્પિટલોની બહાર દર્દીઓની કતારો જોવા મળી રહી છે. બાળ વોર્ડમાં દર્દીઓની સંખ્યા સૌથી વધુ છે.
ચીનની સ્થિતિ પર ભારતની નજર
ભારત ચીનની સ્થિતિ પર નજર રાખી રહ્યું છે. ભારત સરકાર પણ આ વાયરસને લઈને સતર્ક થઈ ગઈ છે. સરકારે HMPV અંગે એડવાઈઝરી પણ જારી કરી છે. સરકારે શ્વસન સંબંધી લક્ષણો અને ઈન્ફલ્યુએન્ઝાના કેસોની નજીકથી દેખરેખ રાખવા સૂચનાઓ આપી છે. સરકારે કહ્યું કે ICMR સમગ્ર વર્ષ દરમિયાન HMPV વાયરસના વલણ પર નજર રાખશે.
ભારત સરકારે નેશનલ સેન્ટર ફોર ડિસીઝ કંટ્રોલને મોનીટરીંગ રાખવા જણાવ્યું છે. આ સિવાય ભારતે વિશ્વ આરોગ્ય સંસ્થા (WHO) ને પણ સતત તાજા અપડેટ્સ શેર કરવા કહ્યું છે. સરકારનું કહેવું છે કે તે શ્વસન સંબંધી રોગોનો સામનો કરવા માટે સંપૂર્ણ રીતે તૈયાર છે.
HMPV વાયરસના લક્ષણો
- કોરોના જેવા લક્ષણો
- તીવ્ર તાવ અને ઉધરસ
- શ્વાસ લેવામાં તકલીફ થવી
- ફેફસામાં સંક્રમણ
- નાક બંધ થઈ જવું
- ગળામાં ઘરઘરાટી
- સંપર્ક દ્વારા ફેલાય છે
HMPV વાયરસ શું છે?
એવું કહેવામાં આવી રહ્યું છે કે HMPV વાયરસ છેલ્લા ઘણા દાયકાઓથી અસ્તિત્વ ધરાવે છે. યુએસ સેન્ટર ફોર ડિસીઝ કંટ્રોલ એન્ડ પ્રિવેન્શન અનુસાર, 2001માં નેધરલેન્ડ્સમાં તેની પ્રથમ ઓળખ થઈ હતી. શ્વસન રોગોવાળા બાળકોના નમૂનાઓમાં વાયરસની પુષ્ટિ થઈ હતી. એચએમપીવી એ પેરામિક્સોવિરિડે કુળનો વાયરસ છે. આ વાયરસ દરેક ઋતુમાં હવામાં હોય છે. તે ચેપગ્રસ્ત લોકોની ઉધરસ અને છીંક દ્વારા ફેલાય છે. શિયાળામાં તે વધુ ફેલાવાનો ભય છે. જો કે, નિષ્ણાતો કહે છે કે HMPV વાયરસ 1958 થી વ્યાપકપણે ફેલાયો છે.
[…] HMPV નો પ્રથમ કેસ નોંધાયો હોવાના અહેવાલ […]
[…] ‘રોબોટ’ની યાદ અપાવતી એક ઘટના ચીન (China) માં બની છે, જ્યાં એક હ્યુમનૉઇડ રોબોટ […]