છાંગુર બાબાના (Changur Baba) ખાસમખાસ બદર અખ્તરનું રહસ્ય પણ ખુલ્યું, સામે આવ્યું મેરઠ કનેક્શન… ધર્માંતરણ પછી 6 હિન્દુ યુવતીઓ ક્યાં ગઈ?

છાંગુર બાબા (Changur Baba) અને તેના નજીકના સાથી બદર અખ્તરનું મેરઠ કનેક્શન પ્રકાશમાં આવ્યું છે. ઘણા વર્ષોથી ચાલતા આ રેકેટમાં, મેરઠની પ્રિયાને તેમની જાળમાં ફસાવી દેવામાં આવી અને ગેરકાયદેસર રીતે ધર્મ પરિવર્તન કરાવવા માટે દબાણ કરવામાં આવ્યું હતું. આ કિસ્સામાં, પશ્ચિમ યુપી અને દિલ્હીની ઘણી છોકરીઓનું ધર્મ પરિવર્તન કરવામાં આવ્યું હતું.

છાંગુર બાબા (Changur Baba) અને ગેરકાયદેસર પૈસા ટ્રાન્સફર કરનારા તેના નજીકના સાથીઓ વિશે દિવસેને દિવસે નવા ખુલાસા થઈ રહ્યા છે. છાંગુર બાબાના (Changur Baba) નજીકના સાથી બદર અખ્તરનું મેરઠ કનેક્શન સામે આવ્યું છે. એવું કહેવામાં આવી રહ્યું છે કે ઉત્તર પ્રદેશના મેરઠની એક યુવતી વર્ષ 2019 માં તેનો શિકાર બની હતી.

યુવતીનું નામ પ્રિયા જણાવવામાં આવી રહ્યું છે. ગેરકાયદેસર ધર્માંતરણના આ ગંદા ખેલમાં લગભગ 5-6 છોકરીઓ છાંગુર બાબાના (Changur Baba) ખાસમખાસ બદર અખ્તર સિદ્દીકીનો શિકાર બની હતી. જેમનું ધર્માંતરણ કરવામાં આવ્યું હતું અને પછી ગાયબ થઈ ગઈ હતી. બે વર્ષમાં બદર વિરુદ્ધ બે કેસ દાખલ થયા હતા, પરંતુ પોલીસે તપાસમાં ઉતાવળને કારણે કેસ બંધ કરી દીધો હતો.

પ્રિયાને મોડેલિંગ અને વૈભવી જીવનની લાલચ અપાઈ

આ કેસનો ખુલાસો 2019 માં થયો હતો જ્યારે બદર અખ્તર સિદ્દીકી વિરુદ્ધ સરુરપુર પોલીસ સ્ટેશનમાં અપહરણનો કેસ નોંધવામાં આવ્યો હતો. વાસ્તવમાં, મેરઠના સરુરપુરમાં રહેતી ભુની ત્યાગીની પુત્રી પ્રિયાને મોડેલિંગ અને વૈભવી જીવનની લાલચ આપવામાં આવી હતી અને થોડા દિવસો પછી તે અચાનક ગાયબ થઈ ગઈ હતી. આ પછી, પોલીસે કાર્યવાહી કરી અને પ્રિયાને બચાવી લીધી, પરંતુ દબાણને કારણે પ્રિયાએ બદરના પક્ષમાં નિવેદન આપ્યું. પુખ્ત વયના હોવાથી, કોર્ટે પ્રિયાને તેની ઈચ્છા મુજબ ગમે ત્યાં જવાની મંજૂરી આપી હતી.

પ્રિયાને પ્રતાડિત કરવામાં આવી

પ્રિયાના પરિવારના જણાવ્યા મુજબ, આ બધા પછી થોડા સમય પછી પ્રિયા ઘરે પાછી આવી. પ્રિયાએ તેના પરિવારને તેની આપવીતિ જણાવી. પ્રિયાએ બદર પર તેના પર ત્રાસ ગુજારવાનો આરોપ લગાવ્યો. તેણીએ કહ્યું કે તે તેણીને સિગારેટના ડામ આપતો, દિવસો સુધી ભુખી રાખીને રૂમમાં બંધ રાખતો, બદરે જ તેને ધર્મ પરિવર્તન માટે દબાણ કર્યું. થોડા સમય પછી, પ્રિયા અચાનક ગાયબ થઈ ગઈ, ત્યારબાદ તેની માતા કૃષ્ણા ત્યાગીએ આ મામલે બીજો કેસ દાખલ કર્યો, પરંતુ પોલીસ તપાસમાં પ્રિયાનો કોઈ પત્તો લાગ્યો નહીં અને પોલીસે અગમ્ય કારણોસર કેસ બંધ કરી દીધો.

#ChhangurBaba

बदर अख्तर…धर्मांतरण का 'मास्टर'
हैंडसम चेहरे…छांगुर के मोहरे !
जलालुद्दीन के 'इशकबाज' एजेंट
एक मांइडसेट..हिंदू लड़कियां टारगेट
2019 में गायब हुई परिवार की लड़की
छांगुर का चेला है बदर अख्तर सिद्दीकी#BadrAkhtar #LoveTrap #DharmantaranRacket… pic.twitter.com/DO0HfeOXgs

— Zee Uttar Pradesh Uttarakhand (@ZEEUPUK) July 16, 2025

છાંગુર બાબાના (Changur Baba) ખાસમખાસ બદર સામે અનેક ગંભીર આરોપો

પ્રિયાના ગુમ થયા બાદ તેના પરિવારે બદર પર અનેક ગંભીર આરોપો લગાવ્યા હતા. તેમણે કેસ પણ દાખલ કર્યો. આ દરમિયાન પ્રિયાના પરિવારે જણાવ્યું કે છાંગુર બાબાના (Changur Baba) ખાસમખાસ એવા બદરના સંપર્કમાં આવેલી ઘણી છોકરીઓ ગુમ થઈ છે, પરંતુ પોલીસ તપાસમાં કંઈ બહાર આવ્યું નથી. જો પોલીસે તે સમયે આ મામલે કડક કાર્યવાહી કરી હોત, તો ચાંગુરના ધર્માંતરણના આ નેટવર્કનો પર્દાફાશ તે સમયે જ થઈ શક્યો હોત.