દિલ્હીના મુખ્યમંત્રી અરવિંદ કેજરીવાલની શરાબ નીતિ કેસમાં ધરપકડ કરવામાં આવી છે અને છ દિવસ EDની કસ્ટડીમાં વિતાવી ચૂક્યા છે.
દિલ્હીના મુખ્યમંત્રી અરવિંદ કેજરીવાલને ગુરુવારે (28 માર્ચ) દિલ્હીની રાઉઝ એવન્યુ કોર્ટમાં રજૂ કરવામાં આવ્યા હતા. કેજરીવાલની કસ્ટડી અંગે અહીં સુનાવણી હાથ ધરવામાં આવી હતી. આ દરમિયાન એન્ફોર્સમેન્ટ ડિરેક્ટોરેટ (ED) એ દિલ્હીના મુખ્યમંત્રીની 7 દિવસની કસ્ટડીની માંગણી કરી હતી. EDએ 21 માર્ચે આમ આદમી પાર્ટી (AAP)ના વડા કેજરીવાલની દિલ્હી લિકર પોલિસી મુદ્દા સાથે સંબંધિત મની લોન્ડરિંગ કેસમાં ધરપકડ કરી હતી. તે ગુરુવાર સુધી EDની કસ્ટડીમાં હતા.
દિલ્હી લિકર પોલિસી કેસમાં પૂર્વ મુખ્યમંત્રી મનીષ સિસોદિયા અને AAPના રાજ્યસભા સાંસદ સંજય સિંહ પહેલાથી જ કસ્ટડીમાં છે. AAPનું કહેવું છે કે કેજરીવાલની એક ષડયંત્રના ભાગરૂપે ધરપકડ કરવામાં આવી છે. પાર્ટી સતત આરોપ લગાવી રહી છે કે તેમની ધરપકડ એટલા માટે કરવામાં આવી છે જેથી કેજરીવાલને આગામી લોકસભા ચૂંટણીમાં પ્રચાર કરતા રોકી શકાય. કેજરીવાલ હાલમાં EDની કસ્ટડીમાંથી દિલ્હી સરકાર ચલાવી રહ્યા છે.
સુનાવણી દરમિયાન એડિશનલ સોલિસિટર જનરલ એસવી રાજુ અને ઝોએબ હુસૈને ED વતી જ્યારે કેજરીવાલ વતી રમેશ ગુપ્તાએ દલીલો રજૂ કરી હતી.. ASGએ કહ્યું કે કેજરીવાલનું નિવેદન નોંધવામાં આવ્યું હતું, પરંતુ તેઓ સીધા સવાલોના જવાબ આપી રહ્યા ન હતા. મળેલા ડિજિટલ ડેટાની પણ તપાસ કરવામાં આવી રહી છે. હવે કેજરીવાલને કેટલાક વધુ લોકોને આમનો સામનો કરવાનો છે.
ED વતી હાજર થયેલા ASGએ કેજરીવાલની 7 દિવસની કસ્ટડી માંગી અને કહ્યું કે EDએ ગોવાના કેટલાક લોકોને સમન્સ પણ જારી કર્યા છે. કેજરીવાલે પણ તેમનો સામનો કરવો પડશે. કેજરીવાલે હજુ સુધી તેમના મોબાઈલનો પાસવર્ડ આપ્યો નથી અને કહી રહ્યા છે કે તેઓ વકીલોની સલાહ લીધા બાદ નિર્ણય લેશે કે પાસવર્ડ આપવો જોઈએ કે નહીં.
કેજરીવાલે કહ્યું કે EDએ 22 ઓગસ્ટ 2022ના રોજ ECIR દાખલ કરી હતી. મારી ધરપકડ કરવામાં આવી છે. મને કોઈ કોર્ટમાં દોષિત ઠરવવામાં આવ્યો નથી. EDએ અત્યાર સુધીમાં 31 હજાર પેજના દસ્તાવેજો એકઠા કર્યા છે અને મારો ઉલ્લેખ માત્ર 4 નિવેદનોમાં થયો છે. અરવિંદ કેજરીવાલનું નિવેદન છે કે સિસોદિયાની હાજરીમાં કેટલાક દસ્તાવેજો આપવામાં આવ્યા હતા. તેમણે કહ્યું કે મારા ઘરે ધારાસભ્યો અને ઘણા લોકો આવે છે. હું કેવી રીતે જાણી શકુ કે તે શું વાત કરે છે?
દિલ્હીના મુખ્યમંત્રીએ પૂછ્યું કે શું આ એકલું નિવેદન મારી ધરપકડ કરવા માટે પૂરતું છે. તેના પર કોર્ટે કહ્યું કે તમે આ બધું લેખિતમાં કેમ નથી આપતા? જેના જવાબમાં કેજરીવાલે કહ્યું કે હું કોર્ટમાં બોલવા માંગુ છું. કેજરીવાલે કહ્યું કે લોકો EDના દબાણમાં સાક્ષી બની રહ્યા છે અને નિવેદનો આપી રહ્યા છે.
દરમિયાન ASG એસવી રાજુએ કહ્યું કે જે લોકોએ પાછળથી કેજરીવાલનું નામ લીધું તેઓએ આમ કરવા પાછળના કારણો જાહેર કર્યા છે તે કાગળોમાં છે. રાજુએ કહ્યું કે કેજરીવાલ આમ આદમી પાર્ટીની બાબતોના પ્રભારી વ્યક્તિ છે. તમે (કેજરીવાલ) લાંચની રકમ મેળવી છે, જેનો ઉપયોગ ગોવાની ચૂંટણીમાં કરવામાં આવ્યો હતો. અમારી પાસે સાક્ષી છે કે પૈસા સાઉથ ગ્રુપ તરફથી આવ્યા હતા, એક શૃંખલા છે. તેમણે તે શ્રુંખલા વિશે જાણી જોઇને વાત કરી નથી.
ASG રાજુએ કહ્યું કે જો તેઓ સીએમ છે તેથી તેમને નિર્દોષ છોડી શકાય નહીં. મુખ્યમંત્રી માટે કોઈ અલગ ધોરણ નથી. મુખ્યમંત્રીની ધરપકડ કરવાનો અધિકાર સામાન્ય માણસ કરતા અલગ નથી. હાલ આ મામલે નિર્ણય અનામત રાખવામાં આવ્યો છે.