Air India Plane Crash: એર ઈન્ડિયા AI-171 (Air India AI-171) વિમાન દુર્ઘટનાની તપાસમાં વેગ મળ્યો છે. બંને બ્લેક બોક્સમાંથી ડેટા મેળવવામાં આવ્યો છે અને ટેકનિકલ નિષ્ણાતો તેનું વિશ્લેષણ કરી રહ્યા છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
અમદાવાદમાં (Ahmedabad) એર ઈન્ડિયાની ફ્લાઇટ AI-171 ના (Air India AI-171) વિમાન દુર્ઘટના (Plane Crash) અંગે નાગરિક ઉડ્ડયન મંત્રાલયે એક મોટી અપડેટ જાહેર કરી છે. મંત્રાલયના જણાવ્યા અનુસાર, અકસ્માત બાદ તપાસ ઝડપથી કરવામાં આવી રહી છે અને બ્લેક બોક્સ (CVR અને FDR) બંનેમાંથી મહત્વપૂર્ણ ડેટા સફળતાપૂર્વક મેળવવામાં આવ્યો છે. અકસ્માતના કારણો સ્પષ્ટ રીતે જાણી શકાય તે માટે ટેકનિકલ નિષ્ણાતોની દેખરેખ હેઠળ આની તપાસ કરવામાં આવી રહી છે.
અકસ્માત બાદ તાત્કાલિક નિષ્ણાત ટીમની રચના કરવામાં આવી હતી
12 જૂન 2025 ના રોજ થયેલા આ વિમાન દુર્ઘટના પછી તરત જ, એરક્રાફ્ટ એક્સિડેન્ટ ઈન્વેસ્ટિગેશન બ્યુરો (AAIB) એ આંતરરાષ્ટ્રીય ધોરણો અનુસાર એક નિષ્ણાત ટીમની રચના કરી. આ ટીમનું નેતૃત્વ AAIB ના ડાયરેક્ટર જનરલ કરે છે. આ ટીમમાં એવિએશન નિષ્ણાતો, એર ટ્રાફિક કંટ્રોલ (ATC) અધિકારીઓ અને વિમાન યુએસમાં નિર્માણ કરવામાં આવ્યું હોવાથી યુએસ નેશનલ ટ્રાન્સપોર્ટેશન સેફ્ટી બોર્ડ (NTSB) ના પ્રતિનિધિઓનો પણ સમાવેશ થાય છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
એર ઈન્ડિયાના (Air India) ક્રેશ પ્લેનના મળી આવેલા બ્લેક બોક્સની સુરક્ષા
પહેલું બ્લેક બોક્સ, કોકપિટ વોઈસ રેકોર્ડર (CVR), 13 જૂનના રોજ જ્યાં પ્લેન ક્રેશ (Plane Crash) થયું હતું તે અકસ્માત સ્થળે એક ઈમારતની છત પરથી મળી આવ્યું હતું. 16 જૂનના રોજ વિમાનના કાટમાળમાંથી બીજું બ્લેક બોક્સ, ફ્લાઇટ ડેટા રેકોર્ડર (FDR) કાઢવામાં આવ્યું હતું. કડક પોલીસ સુરક્ષા અને સીસીટીવી દેખરેખ હેઠળ બંને બ્લેક બોક્સ અમદાવાદમાં સુરક્ષિત રાખવામાં આવ્યા હતા.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
24 જૂન, 2025 ના રોજ, ભારતીય વાયુસેનાના (Indian Airforce) ખાસ વિમાન દ્વારા બંને બ્લેક બોક્સ અમદાવાદથી (Ahmedabad) દિલ્હી (Delhi) લાવવામાં આવ્યા હતા. પહેલું બ્લેક બોક્સ બપોરે 2 વાગ્યે AAIB લેબમાં પહોંચ્યું, જ્યારે બીજું બોક્સ AAIB ટીમ દ્વારા સાંજે 5:15 વાગ્યે પહોંચાડવામાં આવ્યું.
ડેટા ડાઉનલોડ અને વિશ્લેષણ પ્રક્રિયા
24 જૂનની સાંજથી, AAIB અને NTSB ના ટેકનિકલ નિષ્ણાતોએ બ્લેક બોક્સમાંથી ડેટા મેળવવાની પ્રક્રિયા શરૂ કરી હતી. ત્યાર બાદ 25 જૂનના રોજ મેમરી મોડ્યુલમાંથી ડેટા સફળતાપૂર્વક ડાઉનલોડ કરવામાં આવ્યો. હવે CVR અને FDR બંને રેકોર્ડર્સના ડેટાનું બારીકાઈથી વિશ્લેષણ કરવામાં આવી રહ્યું છે. તપાસનો ઉદ્દેશ્ય એ શોધવાનો છે કે પ્લેન ક્રેશ (Plane Crash) થતા પહેલા એર ઈન્ડિયાના (Air India) વિમાનમાં કઈ પ્રવૃત્તિઓ થઈ રહી હતી અને પ્લેન ક્રેશ અકસ્માત શું ટેકનિકલ ભૂલ કે માનવીય ભૂલને કારણે થયો.
Big development in Air India plane crash probe. Data extraction of Air India black box begins. @Tweets_Amit gets us more details. #BlackBox #AirIndiaPlaneCrash #AhmedabadPlaneCrash #ITVideo | @Tweets_amit @SuyeshaSavant pic.twitter.com/81K6jY60x3
— IndiaToday (@IndiaToday) June 26, 2025
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો