Safest Airlines: 12 જૂનના રોજ અમદાવાદમાં એર ઇન્ડિયાની ફ્લાઇટ AI171 ક્રેશ થયા બાદ, વિશ્વભરમાં હવાઈ મુસાફરીની સલામતી અંગે ચિંતા વધી ગઈ છે. દરમિયાન, AirlineRatings.com એ ૨૦૨૫ ની વિશ્વની સૌથી સુરક્ષિત એરલાઇન્સની યાદી બહાર પાડી છે, જેમાં પૂર્ણ-સેવા અને ઓછી કિંમત બંને શ્રેણીઓમાં ટોચની કંપનીઓનો સમાવેશ થાય છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
કેટલી એરલાઈન્સની સુરક્ષા ચેક કરાઈ?
વિશ્વની સૌથી સુરક્ષિત એરલાઈન્સની (Safest Airlines) યાદીમાં 385 એરલાઇન્સને (Airlines) આવરી લેવામાં આવી હતી અને છેલ્લા બે વર્ષમાં ક્રેશ અથવા ગંભીર અકસ્માતોનો રેકોર્ડ, પાઇલટ તાલીમ, કાફલાની ઉંમર અને કદ, નફાકારકતા અને આંતરરાષ્ટ્રીય સલામતી પ્રમાણપત્રો (જેમ કે IOSA અને ICAO) જેવા અનેક પરિબળોના આધારે તપાસવામાં આવી હતી.
ટોપ 10 સુરક્ષિત ફુલ-સર્વિસ એરલાઈન્સ (Airlines)
વિશ્વની સૌથી સુરક્ષિત ફુલ સર્વિસ એરલાઈન્સનું લિસ્ટ જાહેર કરવામાં આવ્યુ છે. આ લિસ્ટમાં સૌપ્રથમ નંબરે ન્યુઝીલેન્ડ ત્યારબાદ અનુક્રમે ક્વાન્ટાસ, કેથે પેસિફિક, કતર એરવેઝ, અમિરાત, વર્જીન ઑસ્ટ્રેલિયા, એતિહાદ એરવેઝ, ઑલ નિપ્પોન એરલાઈન્સ (ANA), ઈવા એર, કોરિયન એર સામેલ છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો
ટોચની 25 કંપનીઓમાં બ્રિટિશ એરવેઝ, લુફ્થાન્સા, જાપાન એરલાઇન્સ (JAL) અને એર કેનેડા જેવી મોટી કંપનીઓ સામેલ છે. ભારતની કોઈ એરલાઈન્સ કંપની આ લિસ્ટમાં સામેલ નથી.
These are the Safest Airlines in the World of 2025
— Aviation A2z (@Aviationa2z) June 13, 2025
Airlines are evaluated based on a combination of critical factors, such as fleet age, pilot skill, safety protocols, fleet size, and the number of incidents.
Read ‼️: https://t.co/Py6QSNT8Cs pic.twitter.com/kDnmTGrUQd
ભારતની સૌથી સુરક્ષિત એરલાઇન્સ (Safest Airlines) કઈ છે?
AirlineRatings.com દ્વારા જાહેર કરાયેલ 2025 સેફ્ટી રેટિંગ અનુસાર, સ્પાઇસજેટને ભારતની સૌથી સુરક્ષિત એરલાઇન (Safest Airlines) જાહેર કરવામાં આવી છે, જેને 7 માંથી 7 સ્ટાર મળ્યા છે. તે પછી ઇન્ડિગો અને અકાસા એરનો ક્રમ આવે છે, જેમને 7 માંથી 6 સ્ટાર આપવામાં આવ્યા છે, જે મજબૂત પ્રદર્શન દર્શાવે છે. તે જ સમયે, એર ઇન્ડિયાને ફક્ત 4 સ્ટાર રેટિંગ મળ્યું છે અને તેની પેટાકંપની એર ઇન્ડિયા એક્સપ્રેસને ફક્ત 2 સ્ટાર રેટિંગ મળ્યું છે.
એર ઇન્ડિયાનું આ ઘટતું રેન્કિંગ તાજેતરના AI171 વિમાન દુર્ઘટના પછી આવ્યું છે, જેના કારણે તેને વૈશ્વિક સલામતી યાદીમાં પણ સ્થાન મળ્યું નથી. આ આંકડા સ્પષ્ટપણે દર્શાવે છે કે દેશની કેટલીક એરલાઇન્સે સલામતીની દ્રષ્ટિએ સારું પ્રદર્શન કર્યું છે, પરંતુ એર ઇન્ડિયા જેવી દિગ્ગજ કંપનીને હજુ પણ સુધારો કરવા માટે ઘણી લાંબી મજલ કાપવાની બાકી છે.
ભારતની કેટલીક ઓછી કિંમતની એરલાઇન્સ (Airlines) આંતરરાષ્ટ્રીય સ્તરે પોતાની છાપ છોડી રહી છે, ત્યારે દેશની સૌથી જૂની અને સૌથી મોટી એરલાઇન એર ઇન્ડિયાના સલામતી રેટિંગમાં પાછળ રહેવાથી ખ્યાલ આવે છે કે તેમાં સુધારાની ખૂબ જ જરૂર છે.
અહીં ક્લિક કરી દેવલિપિ ન્યુઝની વોટ્સએપ ચેનલ ફોલો કરો