રાષ્ટ્રીય સ્વયંસેવક સંઘના (RSS) વડા ડૉ. મોહન ભાગવતે વિશ્વમાં ‘મોટા ભાઈ’ તરીકે ભારતની ભૂમિકા અને વિશ્વ શાંતિમાં તેના યોગદાન પર પ્રકાશ પાડ્યો. તેમણે પાકિસ્તાન સામેની તાજેતરની કાર્યવાહીનો ઉલ્લેખ કરીને ભારતની શક્તિના મહત્વ પર ભાર મુકતા કહ્યું કે વિશ્વ કલ્યાણ એ હિન્દુ ધર્મનું કર્તવ્ય છે અને શક્તિ વિના વિશ્વ પ્રેમની ભાષા સમજી શકતું નથી. ડૉ. ભાગવતે સંત રવિનાથ મહારાજ સાથેના પોતાના અનુભવો પણ શેર કર્યા.
દેવલિપિ ન્યુઝના અપડેટ મેળવવા વોટ્સએપ ચેનલ ફોલો કરો
રાષ્ટ્રીય સ્વયંસેવક સંઘ (RSS) ના વડા ડૉ. મોહન ભાગવતે કહ્યું છે કે ભારત વિશ્વનો સૌથી પ્રાચીન દેશ છે અને વિશ્વમાં તેની ભૂમિકા ‘મોટા ભાઈ’ ની છે. ભારત વિશ્વમાં શાંતિ, સંવાદિતા અને ધર્મનો પ્રચાર કરનારું રાષ્ટ્ર છે. આ સાથે, પાકિસ્તાન પર તાજેતરની કાર્યવાહીનો ઉલ્લેખ કરતા, સંઘના વડાએ કહ્યું કે ભારત માટે શક્તિશાળી બનવું ખૂબ જ મહત્વપૂર્ણ છે. તેઓ શનિવારે જયપુરના હરમાડામાં રવિનાથ આશ્રમમાં આયોજિત સન્માન સમારોહને સંબોધિત કરી રહ્યા હતા.
સંઘ (RSS) વડા ડૉ. ભાગવતે કહ્યું કે ભારતમાં ત્યાગની પરંપરા રહી છે. આપણે ભગવાન શ્રી રામથી લઈને ભામાશાહ સુધીના બધા મહાપુરુષોને નમન કરીએ છીએ જેમણે સમાજ માટે પોતાનું સર્વસ્વ અર્પિત કરી દીધું. તેમણે ભાર મૂક્યો કે ધર્મ અને શાંતિનો સંદેશ પહોંચાડવા માટે પણ શક્તિ આવશ્યક છે.
શક્તિ વિના વિશ્વ પ્રેમની ભાષા સમજી શકતુ નથી
પાકિસ્તાન સામેની તાજેતરની લશ્કરી કાર્યવાહીનો ઉલ્લેખ કરતા સંઘ (RSS) વડા ડૉ. ભાગવતે કહ્યું કે, ભારત કોઈનો દ્વેષ કરતું નથી, પરંતુ વિશ્વ પ્રેમ અને કલ્યાણની ભાષા ત્યારે જ સાંભળે છે જ્યારે તમારી પાસે શક્તિ હોય. આ વિશ્વનો સ્વભાવ છે, જેને બદલી શકાતો નથી. તેથી, વિશ્વ કલ્યાણ માટે ભારતનું શક્તિશાળી બનવું મહત્વપૂર્ણ છે. વિશ્વએ હવે આપણી શક્તિ જોઈ લીધી છે.
દેવલિપિ ન્યુઝના અપડેટ મેળવવા વોટ્સએપ ચેનલ ફોલો કરો
વિશ્વ કલ્યાણ એ હિન્દુ ધર્મનું કર્તવ્ય
તેમણે વધુમાં કહ્યું કે વિશ્વ કલ્યાણ એ આપણો ધર્મ છે. આ વિશેષત: હિન્દુ ધર્મનું એ દૃઢ કર્તવ્ય છે. આ આપણી ઋષિ પરંપરા રહી છે, જેને સંત સમુદાય આજે આગળ ધપાવી રહ્યો છે. કાર્યક્રમ દરમિયાન, ડૉ. ભાગવતે સંત રવિનાથ મહારાજ સાથેના પોતાના અનુભવો શેર કર્યા અને કહ્યું કે તેમની કરુણા અને પ્રેરણા સંઘના સ્વયંસેવકોને સારા કાર્યો માટે માર્ગદર્શન આપે છે.
આજે પુષ્કર જશે સંઘ (RSS) વડા ડૉ. મોહન ભાગવત
આ પ્રસંગે ભવનાથ મહારાજ દ્વારા ડૉ. મોહન ભાગવતનું વિશેષ સન્માન કરવામાં આવ્યું હતું. આ કાર્યક્રમમાં મોટી સંખ્યામાં સંઘના પ્રચારકો, સંતો અને શ્રદ્ધાળુઓ ઉપસ્થિત રહ્યા હતા. સંઘ (RSS) વડા પણ આજે પુષ્કર પહોંચશે, જ્યાં તેઓ વરિષ્ઠ વકીલ જેપી રાણાના પુત્રના લગ્નમાં હાજરી આપશે.
દેવલિપિ ન્યુઝના અપડેટ મેળવવા વોટ્સએપ ચેનલ ફોલો કરો