Accident: ઉત્તર પ્રદેશના બીજનોર જિલ્લામાં મોર્નિંગ વોક પર નીકળેલા 2 લોકોને દેહાત પોલીસ સ્ટેશન વિસ્તારના પીતનહેડી રોડ પર પૂરપાટ ઝડપે આવતી ગાડીએ પાછળથી ટક્કર મારી હતી. આ દુર્ઘટનામાં (Accident)એક વ્યક્તિનું ઘટનાસ્થળ ઉપર જ મૃત્યુ થયું હતું, જ્યારે અન્ય એક વ્યક્તિ ગંભીર રીતે ઘાયલ થઈ ગયો છે. જાણકારી મળતા જ પોલીસે લાશને કબજામાં લઈ પોસ્ટમોર્ટમ માટે મોકલી દીધી છે અને ઘાયલને હોસ્પિટલમાં દાખલ કરવામાં આવ્યો છે.
દેવલિપિ ન્યુઝના અપડેટ મેળવવા વોટ્સએપ ચેનલ ફોલો કરો
સીસીટીવીમાં ઝડપાઈ સમગ્ર ઘટના
આ દુર્ઘટના (Accident) નજીકમાં લાગેલા સીસીટીવી કેમેરામાં કેદ થઈ જવા પામી હતી અને હવે તેનો વિડીયો સોશિયલ મીડિયા પર ઝડપથી વાયરલ થઈ રહ્યો છે. ક્લીપમાં જોઈ શકાય છે કે કઈ રીતે કારએ ઝડપનો કહેર વરસાવતા ચાલી રહેલા બંને લોકોને પાછળથી ટક્કર મારી, જેનાથી એક યુવક ફંગોળાઈને લગભગ 5 મીટર દૂર જઈને પડ્યો હતો. દુર્ઘટના બાદ વાહન ચાલક રોકાયા વગર ઘટના સ્થળેથી ફરાર થઈ ગયો હતો.
દુર્ઘટના (Accident) અંગે સ્થાનિકોએ પોલીસને જાણ કરી
સ્થાનિક લોકોએ તરત જ પોલીસને આ ઘટના (Accident) અંગે જાણકારી આપી હતી અને ઘાયલને નજીકના હોસ્પિટલમાં દાખલ કરવામાં આવ્યા હતા. ડોક્ટરે એક યુવકને મૃત જાહેર કર્યો હતો, જ્યારે ગંભીર રીતે ઘાયલ થયેલા એક અન્ય વ્યક્તિને ઈલાજ માટે મોટી હોસ્પિટલમાં મોકલી દેવામાં આવ્યો હતો. પોલીસે આરોપી કારચાલકની શોધખોળ શરૂ કરી દીધી છે.
પોલીસ અધિકારીઓનું કહેવું છે કે સીસીટીવી ફૂટેજના આધારે કાર અને કારચાલકની ઓળખ કરવામાં આવી રહી છે. આ ઘટના (Accident) બન્યા બાદ સ્થાનિક લોકોમાં પણ ખૂબ આક્રોશ જોવા મળી રહ્યો છે. તેમણે પ્રશાસન પાસે મોર્નિંગ વોક માટે નીકળતા લોકોની સુરક્ષા સુનિશ્ચિત કરવા અને બેકાબું વાહનો પર સખત કાર્યવાહી કરવાની માંગ મૂકી છે.
कोतवाली देहात, बिजनौर:
— Mohammed Mubarak (@mohdmubarak640) April 25, 2025
नहटौर रोड पर तेज़ रफ़्तार से उड़ती कार ने दो युवकों को कुचला।
एक की मौके पर मौत, दूसरा ज़िंदगी की जंग लड़ रहा है।
हादसे के बाद ड्राइवर फरार – अब तक अरेस्ट नहीं।
कब थमेगी ये बेलगाम रफ्तार?#Bijnor #HitAndRun #UPPolice #RoadSafety @bijnortraffic@bijnorpolice… pic.twitter.com/WHrRUln1bL
આ સમગ્ર ઘટના 25 મી એપ્રિલના રોજ બનવા પામી હતી જેના વિડીયો વાયરલ થયા હતા.
દેવલિપિ ન્યુઝના અપડેટ મેળવવા વોટ્સએપ ચેનલ ફોલો કરો